Þann 1. júlí 2010 voru landsmenn 318.006 en voru 319.246 fyrir ári síðan. Þetta jafngildir því að íbúum á landinu hafi fækkað um 1.240 á einu ári eða um 0,4%.
Fækkun í Reykjavík nemur 533
Milli 1. júlí 2009 og 1. júlí 2010 fækkaði íbúum í öllum landshlutum, að frátöldu Norðurlandi eystra en þar fjölgaði um 103 eða 0,4%. Mesta fækkunin varð á Suðurnesjum (-1,6%) og á Suðurlandi ásamt Vestfjörðum (-1,5%). Á höfuðborgarsvæðinu búa nú 63,3% þjóðarinnar og fækkaði íbúum þar milli ára um 248 eða 0,1%. Mestu munar um fækkun í Reykjavík (-533) og Hafnarfirði (-172) en í Kópavogi fjölgaði um 151 íbúa milli ára.
| Mannfjöldi í landshlutum 1. júlí 2009 og 2010 | ||||
| Fjölgun frá | Hlutfallsleg | |||
| 2009 | 2010 | fyrra ári (%) | skipting | |
| Alls | 319.246 | 318.006 | -0,4 | • |
| Höfuðborgarsvæði | 201.598 | 201.350 | -0,1 | 63,3 |
| Suðurnes | 21.462 | 21.109 | -1,6 | 6,6 |
| Vesturland | 15.512 | 15.404 | -0,7 | 4,8 |
| Vestfirðir | 7.445 | 7.331 | -1,5 | 2,3 |
| Norðurland vestra | 7.421 | 7.396 | -0,3 | 2,3 |
| Norðurland eystra | 28.966 | 29.069 | 0,4 | 9,1 |
| Austurland | 12.649 | 12.505 | -1,1 | 3,9 |
| Suðurland | 24.193 | 23.842 | -1,5 | 7,5 |
Arnarneshreppur og Hörgárbyggð sameinast
Þann 1. júlí 2010 voru sveitarfélög á landinu 76 talsins. Ein sameining sveitarfélaga hefur átt sér stað það sem af er árinu 2010. Þann 12. júní sameinuðust Arnarneshreppur og Hörgárbyggð. Nafn hins nýja sameinaða sveitarfélags er Hörgársveit og voru íbúar þess 598 þann 1. júlí 2010.