Gagnasöfnun – Spyrlar

Hagstofa Íslands óskar eftir að ráða spyrla til starfa í tímabundin verkefni í símaveri Hagstofunnar í Reykjavík. Áætlað er að verkefnum ljúki í maí 2023.

Starfið felst í að hafa samband símleiðis við þátttakendur í rannsóknum og safna gögnum með viðtölum.

Hæfniskröfur:

• Eiga auðvelt með samskipti við fólk í gegnum síma og hefur ánægju af þeim
• Kurteisi, þolinmæði, nákvæmni og ábyrg vinnubrögð
• Góð almenn tölvukunnátta,
• Gott vald á íslensku, ensku og jafnvel fleiri tungumálum
• Vera að minnsta kosti 18 ára
• Reynsla af spyrla- eða úthringistörfum er kostur.

Spyrlar vinna 2 til 4 daga í viku eftir föstu vaktskipulagi. Vinnutími er frá 17 til 21 mánudaga til fimmtudaga og frá 13 til 17 á sunnudögum. Um tímavinnu er að ræða. Starfshlutfall er allt að 30%.

Öll kyn eru hvött til að sækja um. Tekið er mið af jafnréttisstefnu Hagstofu Íslands við ráðningar í störf.

Umsóknarfrestur er til og með 30. janúar 2023.