Launavísitala í september 2018 er 667 stig og hækkaði um 0,6% frá fyrri mánuði. Síðastliðna tólf mánuði hefur launavísitalan hækkað um 5,9%
Evrópski tölfræðidagurinn er haldinn á morgun, laugardaginn 20. október. Á þessum degi vekja hagstofur í Evrópu athygli á þýðingu og mikilvægi evrópskra hagtalna fyrir evrópskt samfélag. Lýðræðisríki þarf að standa á traustum grunni áreiðanlegra og hlutlausra tölfræðilegra upplýsinga. Í tilefni dagsins hefur Hagstofa Íslands framleitt myndband þar sem áherslan er á ungt fólk.
Ætla má að íbúar landsins verði 436 þúsund árið 2067 samkvæmt miðspá Hagstofunnar um þróun mannfjöldans. Til samanburðar var mannfjöldinn 348 þúsund 1. janúar 2018. Í háspánni er reiknað með að íbúar verði 513 þúsund í lok spátímabilsins en 365 þúsund samkvæmt lágspánni.
Vísitala byggingarkostnaðar reiknuð um miðjan október 2018 er 141,0 stig (desember 2009=100) og hækkar um 0,6 % frá fyrri mánuði.
Fiskafli íslenskra skipa í september var 108.011 tonn eða 14% minni en í september 2017 sem skýrist aðallega af minni uppsjávarafla.
Fimmtungur fólks á aldrinum 25-29 ára bjó í foreldrahúsum árið 2016 (20,3%), 24,8% karla og 15,6% kvenna.
