Ársskýrsla Hagstofu Íslands fyrir árið 2022 hefur verið gefin út og er skýrslan aðgengileg á rafrænu sniði. Í skýrslunni er gerð grein fyrir starfseminni á árinu. Auk skýrslu stjórnar og umfjöllunar um fjármál og rekstur er í skýrslunni fjallað um notendur, gagnasöfnun, miðlun og margt fleira.
Ólafur Hjálmarsson lét af störfum sem hagstofustjóri 1. september en hann hafði þá gegnt embættinu í rúm 14 ár eða frá því í febrúar 2008. Hrafnhildur Arnkelsdóttir var skipuð í embætti hagstofustjóra frá 1. nóvember 2022 en Elsa Björk Knútsdóttir staðgengill hagstofustjóra hafði þá setið sem hagstofustjóri í september og október.