Samkvæmt árstíðaleiðréttum tölum vinnumarkaðsrannsóknar Hagstofunnar voru atvinnulausir 7.400 í október, eða 3,6%, af vinnuaflinu, sem er 0,1 prósentustigi lægra en í september. Árstíðaleiðrétt atvinnuþátttaka var 82,0%, sem er um 0,5 prósentustigi hærri atvinnuþáttaka en í september, en árstíðarleiðrétt hlutfall starfandi fólks var 78,3%.
Þegar horft er til síðustu sex mánaða, bendir leitni árstíðarleiðréttra talna til að atvinnuþátttaka hafa verið nokkuð stöðug þótt hlutfall hennar hafi lækkað lítillega, eða um 0,2 prósentustig. Þrátt fyrir að hlutfall starfandi sé enn nokkuð lægra, eða 0,7 prósentustigum lægra en fyrir hálfu ári síðan, þá hefur hlutfallið farið hækkandi síðan í ágúst 2019. Árstíðarleiðrétt leitni atvinnuleysis heldur áfram að vera stöðug, þótt hún hafi stigið lítillega frá því í maí, eða um 0,2 prósentustig.
Samkvæmt óleiðréttum mælingum er áætlað að um 209.500 manns á aldrinum 16–74 ára hafi að jafnaði verið á vinnumarkaði í október 2019. Það jafngildir 81,3% (±2,4) atvinnuþátttöku. Af vinnuaflinu reyndust 202.200 (±5.800) vera starfandi og 7.400 (±1.200) án vinnu og í atvinnuleit. Hlutfall starfandi af mannfjölda var 78,4% (±2,9) og hlutfall atvinnulausra af vinnuafli var 3,5% (±1,2). Óleiðréttar mælingar benda þannig til þess að litlar breytingar séu á hlutfall starfandi af mannfjölda í október milli ára þó starfandi hafi fjölgað töluvert eða um 3.500 manns.
Samanburður óleiðréttra mælinga fyrir október 2018 og 2019 bendir einnig til þess að vinnuaflið hafi aukist um 4.800 manns þó að hlutfall þess af mannfjölda hafi dregist saman um hálft prósentustig. Þá eru ívið fleiri áætlaðir utan vinnumarkaðar í október 2019, eða um 48.300 (±3.000), sem er aukning um nær 1.000 manns milli ára. Að lokum sýna óleiðréttar mælingar örlitla hækkun á hlutfalli atvinnulausra frá því í október 2018 eða um 0,6 prósentustig.
Allar fjöldatölur eru námundaðar að næsta hundraði.
Flæðirit — Vinnumarkaður 16–74 ára, október 2019 – Óleiðrétt mæling
Samtala undirliða þarf ekki að koma heim við heildartölur vegna námundunar. Öryggisbil (95%), atvinnuleysi: Alls ±2,8; karlar ±2,5; konur ±2,6
| Tafla 1. Vinnumarkaður í október — óleiðrétt mæling | ||||||
| Öryggisbil | Öryggisbil | Öryggisbil | ||||
| 2017 | (±95%) | 2018 | (±95%) | 2019 | (±95%) | |
| Alls 16–74 ára | ||||||
| Atvinnuþátttaka | 81,9 | 2,6 | 81,2 | 2,3 | 81,3 | 2,4 |
| Hlutfall starfandi | 78,9 | 2,8 | 78,9 | 2,5 | 78,4 | 2,9 |
| Atvinnuleysi | 3,7 | 1,3 | 2,9 | 1,3 | 3,5 | 1,2 |
| Vinnustundir | 40,1 | 1,3 | 39,6 | 1,1 | 40,4 | 1,0 |
| Vinnuafl | 200.800 | 6.400 | 204.700 | 5.900 | 209.500 | 5.500 |
| Starfandi | 193.500 | 6.900 | 198.700 | 6.300 | 202.200 | 5.800 |
| Atvinnulausir | 7.400 | 3.200 | 6.000 | 2.600 | 7.400 | 1.200 |
| Utan vinnumarkaðar | 44.500 | 6.400 | 47.300 | 5.900 | 48.300 | 3.000 |
| Áætlaður mannfjöldi | 245.300 | • | 252.000 | • | 257.900 | • |
| Tafla 2. Vinnumarkaður síðustu 6 mánuði — árstíðaleiðrétting | ||||||
| maí.19 | jún.19 | júl.19 | ágú.19 | sep.19 | okt.19 | |
| Alls 16–74 ára | ||||||
| Atvinnuþátttaka | 80,5 | 81,4 | 81,2 | 80,0 | 81,5 | 82,0 |
| Hlutfall starfandi | 76,7 | 78,7 | 78,7 | 76,9 | 77,6 | 78,3 |
| Atvinnuleysi | 4,8 | 3,3 | 3,1 | 4,4 | 3,7 | 3,6 |
| Vinnustundir | 39,5 | 39,0 | 38,9 | 39,6 | 40,7 | 40,5 |
| Vinnuafl | 210.000 | 207.500 | 207.800 | 205.000 | 207.800 | 210.300 |
| Starfandi | 200.000 | 200.700 | 201.300 | 195.500 | 199.200 | 201.800 |
| Atvinnulausir | 10.000 | 6.800 | 6.500 | 8.500 | 7.100 | 7.400 |
| Utan vinnumarkaðar | 50.700 | 47.500 | 48.100 | 52.300 | 49.500 | 47.100 |
| Áætlaður mannfjöldi | 260.800 | 255.000 | 255.900 | 256.800 | 257.200 | 257.800 |
| Tafla 3. Vinnumarkaður síðustu 6 mánuði — árstíðaleiðrétt leitni | ||||||
| maí.19 | jún.19 | júl.19 | ágú.19 | sep.19 | okt.19 | |
| Alls 16–74 ára | ||||||
| Atvinnuþátttaka | 81,5 | 81,4 | 81,4 | 80,3 | 80,7 | 81,3 |
| Hlutfall starfandi | 78,8 | 78,7 | 78,6 | 77,3 | 77,4 | 78,1 |
| Atvinnuleysi | 3,4 | 3,4 | 3,4 | 3,5 | 3,6 | 3,6 |
| Vinnustundir | 39,4 | 39,3 | 39,2 | 39,9 | 39,7 | 40,2 |
| Vinnuafl | 208.300 | 208.100 | 208.000 | 207.600 | 208.200 | 209.500 |
| Starfandi | 201.200 | 201.000 | 200.900 | 198.900 | 201.000 | 201.700 |
| Atvinnulausir | 7.100 | 7.100 | 7.000 | 7.100 | 7.100 | 7.300 |
| Utan vinnumarkaðar | 47.200 | 47.400 | 47.600 | 49.800 | 48.400 | 48.000 |
| Áætlaður mannfjöldi | 255.500 | 255.500 | 255.600 | 256.800 | 257.300 | 257.800 |
Um gögnin
Vinnumarkaðsrannsóknin í október 2019 nær til fjögurra vikna, frá 6.október til 2. nóvember 2019. Í úrtak völdust af handahófi 1.528 einstaklingar á aldrinum 16–74 ára sem höfðu lögheimili á Íslandi. Þegar frá eru taldir þeir sem voru látnir, eða reyndust búsettir erlendis, var nettóúrtakið 1.501 einstaklingur. Alls fengust nothæf svör frá 943 einstaklingum og jafngildir það 62,9% svarhlutfalli.
Rétt er að benda á að vegna endurskoðunar á verkferlum við úrvinnslu gagna úr vinnumarkaðsrannsókn hafa tölur fyrir júlí, ágúst og september ekki verið brotnar niður eftir tímaröð ársfjórðungsins. Þessar tölur eru því bráðabrigðatölur þar til annað hefur verið tilkynnt.