Í janúarmánuði 2008 tók gildi breyting á tímasetningu söfnunar á verðupplýsingum fyrir vísitölu neysluverðs og á útreikningstíma vísitölunnar, sbr. lög nr. 27/2007. Vísitalan er héðan í frá reiknuð miðað við verðlag um miðjan hvern mánuð en var áður miðuð við verðlag tvo fyrstu virka daga hvers mánaðar.
Vísitala neysluverðs miðuð við verðlag í miðjum janúar 2008 er 282,3 stig (maí 1988=100). Vísitalan lækkaði um 0,1% frá því í upphafi mánaðarins en hefur hækkað um 0,18% frá desember. Vísitala neysluverðs án húsnæðis er 251,0 stig. Hún lækkaði um 0,05% frá því í janúarbyrjun en hefur lækkað um 0,16% frá desember.
Vetrarútsölur halda áfram og lækkaði verð á fötum og skóm um 5,1% frá því í byrjun janúar (vísitöluáhrif -0,21%). Kostnaður vegna eigin húsnæðis lækkaði um 0,3% (-0,06%) frá mælingunni í janúarbyrjun vegna lækkunar á markaðsverði húsnæðis. Verð á mat og drykkjarvöru hækkaði um 1,3% (0,16%) frá því í upphafi mánaðarins.
Síðastliðna tólf mánuði (miðað við verðlag í upphafi mánaðar í fyrra en um miðjan mánuð nú) hefur vísitala neysluverðs hækkað um 5,8% en vísitala neysluverðs án húsnæðis um 2,3%. Fastskattavísitala neysluverðs hefur hækkað um 7,7% síðastliðna tólf mánuði og fastskattavísitala neysluverðs án húsnæðis um 4,8%. Undanfarna þrjá mánuði hefur vísitala neysluverðs hækkað um 1,5% sem jafngildir 6,2% verðbólgu á ári (3,8% fyrir vísitöluna án húsnæðis).
Vísitala neysluverðs samkvæmt útreikningi í miðjum janúar 2008, 282,3 stig, gildir til verðtryggingar í mars 2008. Vísitala fyrir eldri fjárskuldbindingar, sem breytast eftir lánskjaravísitölu, er 5.574 stig fyrir mars 2008.
| Breytingar vísitölu neysluverðs 2007–2008 | ||||||
| Maí 1988 = 100 | Umreiknað til árshækkunar miðað við hækkun vísitölunnar | |||||
| Breytingar í hverjum mánuði, % | ||||||
| Síðasta mánuð, % | Síðustu 3 mánuði, % | Síðustu 6 mánuði, % | Síðustu 12 mánuði, % | |||
| Vísitala | ||||||
| 2007 | ||||||
| Janúar | 266,9 | 0,3 | 3,2 | 1,1 | 2,9 | 6,9 |
| Febrúar | 268,0 | 0,4 | 5,1 | 2,9 | 3,1 | 7,4 |
| Mars | 267,1 | -0,3 | -4,0 | 1,4 | 1,1 | 5,9 |
| Apríl | 268,7 | 0,6 | 7,4 | 2,7 | 1,9 | 5,3 |
| Maí | 271,0 | 0,9 | 10,8 | 4,6 | 3,7 | 4,7 |
| Júní | 272,4 | 0,5 | 6,4 | 8,2 | 4,7 | 4,0 |
| Júlí | 273,0 | 0,2 | 2,7 | 6,6 | 4,6 | 3,8 |
| Ágúst | 273,1 | 0,0 | 0,4 | 3,1 | 3,8 | 3,4 |
| September | 276,7 | 1,3 | 17,0 | 6,5 | 7,3 | 4,2 |
| Október | 278,1 | 0,5 | 6,2 | 7,7 | 7,1 | 4,5 |
| Nóvember | 279,9 | 0,6 | 8,0 | 10,3 | 6,7 | 5,2 |
| Desember | 281,8 | 0,7 | 8,5 | 7,6 | 7,0 | 5,9 |
| 2008 | ||||||
| Janúar | 282,3 | 0,2 | 2,2 | 6,2 | 6,9 | 5,8 |
| Vísitala neysluverðs eftir eðli og uppruna 2008 | ||||
| Undirvísitölur mars 1997=100 | Breyting síðustu 12 mánuði | |||
| Áhrif á vísit. | ||||
| Desember | Janúar | % | ||
| Vísitala neysluverðs | 157,9 | 158,2 | 5,8% | 5,8% |
| Þar af: | ||||
| Innlendar vörur | 134,3 | 136,3 | -1,4% | -0,2% |
| Búvörur og grænmeti | 131,0 | 133,4 | -1,1% | -0,1% |
| Innlendar vörur án búvöru og grænmetis | 136,3 | 138,0 | -1,7% | -0,1% |
| Innfluttar vörur alls | 123,4 | 121,4 | 2,1% | 0,7% |
| Innfluttar vörur án áfengis og tóbaks | 119,4 | 117,3 | 2,2% | 0,7% |
| Kjarnavísitala 1 (VNV án búvöru, grænm., | ||||
| ávaxta og bensíns) | 159,7 | 159,7 | 5,7% | 5,1% |
| Kjarnavísitala 2 (kjarnavísitala 1 án opinberrar þjónustu) | 160,8 | 160,5 | 6,0% | 4,9% |
| Dagvara | 127,8 | 130,2 | -1,8% | -0,3% |
Talnaefni