Vísitala framleiðsluverðs hækkaði um 1,2% milli júlí og ágúst 2017. Sjávarafurðir hækkuðu um 3,3% (áhrif á vísitölu 0,9%), afurðir stóriðju hækkuðu um 2,4% (0,8%), annar iðnaður lækkaði um 2,2% (-0,4%) og matvæli lækkuðu um 0,3% (-0,1%).
Miðað við ágúst 2016 hefur vísitala framleiðsluverðs lækkað um 6,0%. Þar af hefur verð sjávarafurða lækkað um 4,9%, annar iðnaður lækkað um 21,7%. Afurðir stóriðju hafa hækkað um 3,5% en matvæli lækkað um 2,5% á sama tímabili. Sé horft til þess hvort afurðirnar eru fluttar út eða seldar innanlands hafa útfluttar afurðir lækkað um 3,7% á einu ári, en verð afurða seldra innanlands hefur lækkað um 10,3%.
Grunnur vísitölu framleiðsluverðs er endurmetinn árlega og frá og með september 2017 byggir matið á upplýsingum Hagstofu Íslands um söluverðmæti framleiddra vara árin 2015 og 2016.
Vísitölur, breytingar og áhrif undirliða má sjá í töflu.
| Vísitala framleiðsluverðs í ágúst 2017 | ||||
| Breyting frá fyrri mánuði | ||||
| Vísitala | Áhrif á | Breyting frá | ||
| 4. ársf. 2005 = 100 | % | vísitölu % | fyrra ári % | |
| Vísitala framleiðsluverðs | 186,7 | 1,2 | 1,2 | -6,0 |
| Eftir atvinnugreinum | ||||
| Sjávarafurðir | 242,7 | 3,3 | 0,9 | -4,9 |
| Stóriðja | 181,4 | 2,4 | 0,8 | 3,5 |
| Matvæli | 172,5 | -0,3 | -0,1 | -2,5 |
| Annar iðnaður | 138,0 | -2,2 | -0,5 | -21,7 |
| Eftir mörkuðum | ||||
| Innlend sala | 161,7 | -0,6 | -0,2 | -10,3 |
| Útfluttar afurðir | 201,4 | 2,1 | 1,4 | -3,7 |
