Samræmd vísitala neysluverðs í EES-ríkjum var 118,9 stig (1996=100) í október sl. og hækkaði um 0,3% frá september. Á sama tíma var vísitalan fyrir Ísland 131,5 stig, hún hækkaði um 0,5% frá fyrra mánuði.
Frá október 2004 til jafnlengdar árið 2005 var verðbólgan, mæld með samræmdri vísitölu neysluverðs, 2,4% að meðaltali í ríkjum EES, 2,5% á evrusvæðinu og 1,5% á Íslandi.
Mesta verðbólga á Evrópska efnahagssvæðinu á þessu tólf mánaða tímabili var 7,7% í Lettlandi, 5,0% í Lúxemborg og 4,5% í Eistlandi. Minnst var verðbólgan 0,8% í Finnlandi, 0,9% í Svíþjóð og 1,5% á Íslandi og í Hollandi.
Í EES ríkjum er miðað við samræmda evrópska neysluverðsvísitölu. Í Bandaríkjunum, Japan og Sviss er miðað við neysluverðsvísitölur.
1) Verðbólga í viðskiptalöndum mæld með gengisvog Seðlabanka Íslands.
2) Bráðabirgðatölur.
3) September 2004 - september 2005.