Vöruviðskiptajöfnuður
Í júlí voru fluttar út vörur fyrir 43,9 milljarða króna og inn fyrir 53,7 milljarða króna fob (57,2 milljarða króna cif). Vöruviðskiptin í júlí, reiknuð á fob verðmæti, voru því óhagstæð um 9,8 milljarða króna. Í júlí 2015 voru vöruviðskiptin óhagstæð um 2,7 milljarða króna á gengi hvors árs.¹
Á fyrstu sjö mánuðum ársins 2016 voru fluttar út vörur fyrir 318,8 milljarða króna en inn fyrir 392,1 milljarð króna fob (417 milljarða króna cif). Halli var því á vöruviðskiptum við útlönd sem nam tæpum 73,4 milljörðum króna, reiknað á fob verðmæti. Á sama tíma árið áður voru vöruviðskiptin óhagstæð um 6,9 milljarða á gengi hvors árs.¹ Vöruviðskiptajöfnuðurinn var því 66,5 milljörðum króna lakari en á sama tíma árið áður.
Útflutningur
Á fyrstu sjö mánuðum ársins 2016 var verðmæti vöruútflutnings 66 milljörðum króna lægra, eða 17,1%, á gengi hvors árs,1 en á sama tíma árið áður. Iðnaðarvörur voru 50,6% alls útflutnings og var verðmæti þeirra 22,7% lægra en á sama tíma árið áður, aðallega vegna lægra álverðs. Sjávarafurðir voru 43,5% alls vöruútflutnings og var verðmæti þeirra 13,6% lægra en á sama tíma árið áður.
Innflutningur
Á fyrstu sjö mánuðum ársins 2016 var verðmæti vöruinnflutnings 495 milljónum króna hærra, eða 0,1%, á gengi hvors árs,¹ en á sama tímabili árið áður. Aðallega dróst innflutningur á hrá- og rekstrarvörum og eldsneyti saman en á móti jókst innflutningur á fjárfestingavörum og flutningatækjum.
Verðmæti útflutnings og innflutnings í janúar–júlí 2015 og 2016 | |||||
Millj. kr. á gengi hvors árs | Breytingar frá fyrra | ||||
Júlí | Jan.–júlí | ári á gengi hvors árs, | |||
2015 | 2016 | 2015 | 2016 | % jan.–júlí | |
Útflutningur alls fob | 51.907,0 | 43.861,9 | 384.728,1 | 318.753,4 | -17,1 |
Sjávarafurðir | 20.494,3 | 19.684,3 | 160.364,0 | 138.503,2 | -13,6 |
Landbúnaðarvörur | 842,5 | 723,8 | 7.235,8 | 8.897,0 | 23,0 |
Iðnaðarvörur | 29.256,6 | 22.014,4 | 208.633,9 | 161.185,7 | -22,7 |
Aðrar vörur | 1.313,6 | 1.439,5 | 8.494,4 | 10.167,6 | 19,7 |
Innflutningur alls fob | 54.619,4 | 53.698,6 | 391.615,3 | 392.110,6 | 0,1 |
Matvörur og drykkjarvörur | 6.915,1 | 4.668,8 | 39.286,2 | 33.383,9 | -15,0 |
Hrávörur og rekstrarvörur, ót.a. | 13.599,7 | 15.341,6 | 115.115,2 | 101.006,4 | -12,3 |
Eldsneyti og smurolíur | 9.534,6 | 7.178,6 | 50.572,7 | 37.655,1 | -25,5 |
Fjárfest.vörur (þó ekki flutn.tæki) | 11.974,7 | 11.266,5 | 76.881,0 | 84.898,1 | 10,4 |
Flutningatæki | 5.997,5 | 8.742,7 | 64.084,7 | 83.677,1 | 30,6 |
Neysluvörur ót.a. | 6.430,8 | 6.468,5 | 44.822,8 | 51.146,8 | 14,1 |
Vörur ót.a (t.d. endursendar vörur) | 167,0 | 31,9 | 852,8 | 343,2 | -59,8 |
Vöruskiptajöfnuður | -2.712,3 | -9.836,6 | -6.887,2 | -73.357,1 | . |
¹Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.