Vöruviðskiptajöfnuður
Í október 2019 voru fluttar út vörur fyrir 65,1 milljarð króna og inn fyrir 64,7 milljarða króna fob (69,0 milljarða króna cif). Vöruviðskiptin í október, reiknuð á fob verðmæti, voru því hagstæð um 368 milljónir króna. Í október 2018 voru vöruviðskiptin óhagstæð um 12,1 milljarð króna á gengi hvors árs fyrir sig.1 Vöruviðskiptahallinn í október 2019 var því 12,5 milljörðum króna minni en á sama tíma fyrir ári. Án skipa og flugvéla nam vöruviðskiptaafgangurinn í mánuðinum 3,0 milljörðum króna, samanborið við 12,1 milljarðs króna halla í október 2018.
Á tímabilinu janúar til október 2019 voru fluttar út vörur fyrir 546,3 milljarða króna en inn fyrir 642,4 milljarða króna fob (686,3 milljarða króna cif). Halli á vöruviðskiptum við útlönd nam því 96,1 milljarði króna reiknað á fob verðmæti. Á sama tíma fyrir ári voru vöruviðskiptin óhagstæð um 147,6 milljarða króna á gengi hvors árs fyrir sig. Vöruviðskiptajöfnuðurinn frá janúar til október var því 51,5 milljörðum króna hagstæðari en á sama tíma fyrir ári síðan. Án skipa og flugvéla nam vöruviðskiptahallinn 105,3 milljörðum króna á tímabilinu janúar til október 2019, en 133,0 milljörðum króna fyrir sama tímabil 2018.
Útflutningur
Á fyrstu tíu mánuðum ársins 2019 var verðmæti vöruútflutnings 51,1 milljarði króna meira en á sama tímabili árið áður, eða 10,3 % á gengi hvors árs fyrir sig1. Iðnaðarvörur voru 47,3% alls útflutnings og var verðmæti þeirra 2,1% minna en á sama tíma árið áður. Sjávarafurðir voru 40,9% alls vöruútflutnings og var verðmæti þeirra 12,8% meira en á sama tíma árið áður. Mest var aukning vegna sjávarafurða, aðallega á ferskum fiski og frystum flökum og útflutnings skipa og flugvéla. Á móti kom minna verðmæti álútflutnings milli ára.
Innflutningur
Á fyrstu tíu mánuðum ársins 2019 var verðmæti vöruinnflutnings 417,6 milljónum króna minna en á sama tímabili árið áður, eða 0,1% á gengi hvors árs fyrir sig.1 Innflutningur dróst mest saman á eldsneyti og flutningatækjum. Á móti kom aukinn innflutningur á fjárfestinga-, hrá- og rekstrarvörum og mat- og drykkjarvörum.
| Verðmæti útflutnings og innflutnings janúar - október 2018-2019 | |||||
| Millj. kr. á gengi hvors árs | Breytingar frá fyrra ári á gengi hvors árs, % janúar - október | ||||
| Október | Janúar - október | ||||
| 2018 | 2019 | 2018 | 2019 | ||
| Útflutningur alls fob | 60.961,4 | 65.054,8 | 495.225,7 | 546.304,9 | 10,3 |
| Sjávarafurðir | 26.589,7 | 31.599,1 | 198.222,2 | 223.622,2 | 12,8 |
| Landbúnaðarvörur | 1.885,8 | 3.815,8 | 15.685,2 | 23.993,8 | 53,0 |
| Iðnaðarvörur | 30.177,2 | 27.837,7 | 263.931,8 | 258.415,5 | -2,1 |
| Aðrar vörur | 2.308,7 | 1.802,1 | 17.386,5 | 40.273,3 | 131,6 |
| Innflutningur alls fob | 73.077,1 | 64.686,4 | 642.779,7 | 642.362,2 | -0,1 |
| Matvörur og drykkjarvörur | 7.814,9 | 7.098,2 | 52.963,1 | 61.113,5 | 15,4 |
| Hrávörur og rekstrarvörur, ót.a. | 21.065,3 | 16.071,8 | 177.247,2 | 185.856,6 | 4,9 |
| Eldsneyti og smurolíur | 11.569,6 | 7.532,1 | 96.650,3 | 80.899,5 | -16,3 |
| Fjárfest.vörur (þó ekki flutn.tæki) | 13.336,5 | 13.711,7 | 131.208,9 | 141.937,8 | 8,2 |
| Flutningatæki | 8.414,8 | 9.918,9 | 100.362,3 | 87.337,6 | -13,0 |
| Neysluvörur ót.a. | 10.854,7 | 10.324,2 | 81.385,7 | 84.882,6 | 4,3 |
| Vörur ót.a (t.d. endursendar vörur) | 21,3 | 29,4 | 2.962,2 | 334,7 | -88,7 |
| Vöruviðskiptajöfnuður | -12.115,8 | 368,4 | -147.554,0 | -96.057,3 | |
1Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.