Út frá nýjum upplýsingum um viðskipti með skip og flugvélar er uppgjör fyrstu þriggja mánaða þessa árs endurskoðuð.
Vöruviðskiptajöfnuður
Í mars 2019 voru fluttar út vörur fyrir 52,7 milljarða króna og inn fyrir 61,5 milljarða króna fob (65,8 milljarða króna cif). Vöruviðskiptin í mars, reiknuð á fob verðmæti, voru því óhagstæð um 8,8 milljarða króna. Í mars 2018 voru vöruviðskiptin óhagstæð um 13,5 milljarða króna á gengi hvors árs.¹ Vöruviðskiptahallinn í mars 2019 var því 4,7 milljörðum króna lægri en á sama tíma árið áður. Án skipa og flugvéla nam vöruviðskiptahallinn í mánuðinum 11,9 milljörðum króna samanborið við 12,8 milljarða króna í mars 2018.
Á tímabilinu janúar til mars 2019 voru fluttar út vörur fyrir tæplega 174 milljarða króna en inn fyrir 173,5 milljarða (185,7 milljarða króna cif). Því var jöfnuður á vöruskiptum við útlönd sem nam 493,9 milljónum króna reiknað á fob verðmæti. Á sama tíma fyrir ári voru vöruviðskiptin óhagstæð um 30,3 milljarða á gengi hvors árs. Vöruviðskiptajöfnuðurinn frá janúar til mars er því 30,7 milljörðum króna hagstæðari en á sama tíma fyrir ári síðan. Án skipa og flugvéla nam vöruviðskiptahallinn hins vegar 21,9 milljarði króna fyrir fyrsta ársfjórðung 2019 og 22,9 milljörðum króna fyrir fyrsta ársfjórðung 2018.
Útflutningur
Á fyrstu þremur mánuðum ársins 2019 var verðmæti vöruútflutnings tæplega 36,3 milljörðum króna hærra en á sama tímabili árið áður, eða 26,4% á gengi hvors árs1. Iðnaðarvörur voru 44,4% alls útflutnings og var verðmæti þeirra 5,1% hærra en á sama tíma árið áður. Sjávarafurðir voru 36,2% alls vöruútflutnings og var verðmæti þeirra 15,7% hærra en á sama tíma árið áður. Verðmæti útflutnings skipa og flugvéla var 22,6 milljarðar króna á fyrstu þremur mánuðum ársins.
Innflutningur
Á fyrstu þremur mánuðum ársins 2019 var verðmæti vöruinnflutnings 5,5 milljörðum króna hærra en á sama tímabili árið áður, eða 3,3% á gengi hvors árs¹. Innflutningur jókst mest á fjárfestingavörum og hrá- og rekstrarvörum. Á móti kemur minni innflutningur á flutningatækjum.
Verðmæti útflutnings og innflutnings í janúar til mars 2018 og 2019 | |||||
Millj. kr. á gengi hvors árs | Breytingar frá fyrra ári á gengi hvors árs, % % jan-mars | ||||
Mars | Janúar-mars | ||||
2018 | 2019 | 2018 | 2019 | ||
Útflutningur alls fob | 43.252,5 | 52.693,1 | 137.688,5 | 173.974,8 | 26,4 |
Sjávarafurðir | 17.626,1 | 21.705,6 | 54.444,9 | 63.008,4 | 15,7 |
Landbúnaðarvörur | 1.442,1 | 2.507,9 | 5.946,7 | 7.847,9 | 32,0 |
Iðnaðarvörur | 23.247,4 | 24.441,8 | 73.461,1 | 77.201,7 | 5,1 |
Aðrar vörur | 936,9 | 4.037,7 | 3.835,8 | 25.916,9 | 575,7 |
Innflutningur alls fob | 56.782,5 | 61.489,1 | 167.959,0 | 173.480,9 | 3,3 |
Matvörur og drykkjarvörur | 4.726,8 | 5.089,3 | 13.460,5 | 15.847,1 | 17,7 |
Hrávörur og rekstrarvörur, ót.a. | 17.011,4 | 17.338,6 | 46.893,9 | 51.609,2 | 10,1 |
Eldsneyti og smurolíur | 6.838,9 | 7.930,4 | 20.992,8 | 18.641,7 | -11,2 |
Fjárfest.vörur (þó ekki flutn.tæki) | 11.712,0 | 15.209,6 | 37.674,0 | 45.292,2 | 20,2 |
Flutningatæki | 8.893,9 | 6.924,5 | 27.243,7 | 17.217,7 | -36,8 |
Neysluvörur ót.a. | 7.584,5 | 8.972,7 | 21.436,5 | 24.788,2 | 15,6 |
Vörur ót.a (t.d. endursendar vörur) | 15,0 | 24,0 | 257,7 | 84,7 | -67,1 |
Vöruviðskiptajöfnuður | -13.530,0 | -8.796,1 | -30.270,4 | 493,9 | -101,6 |
1) Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.