Vinsamlegast athugið að þessari fréttatilkynningu var breytt 30. júní 2020 kl. 12:00 frá upprunalegri útgáfu. Í umfjöllun um verðmæti vöruútflutnings og vöruinnflutnings var vísað til fyrstu fjögurra mánaða ársins í stað fyrstu fimm mánaða ársins.
Fluttar voru út vörur fyrir 52,9 milljarða króna í maí 2020 og inn fyrir 51,1 milljarð króna fob (54,7 milljarða króna cif). Vöruviðskiptin í maí, reiknuð á fob verðmæti, voru því hagstæð um 1,8 milljarða króna. Til samanburðar voru vöruviðskiptin óhagstæð um 2,8 milljarða króna í maí 2019 á gengi hvors árs fyrir sig.1 Vöruviðskiptajöfnuðurinn í maí 2020 var því 4,6 milljörðum króna hagstæðari en á sama tíma fyrir ári. Vöruskiptajöfnuður án skipa og flugvéla var jákvæður um 2,7 milljarða króna 2020, en var neikvæður um 1,1 milljarð króna 2019 á gengi hvors árs fyrir sig.1
Verðmæti útflutnings dregst saman
Verðmæti vöruútflutnings var 38,2 milljörðum króna lægra á fyrstu fimm mánuðum ársins 2020 en á sama tímabili fyrir ári síðan eða 13,3% á gengi hvors árs fyrir sig.1 Munar þar mestu um viðskipti með skip og flugvélar í janúar 2019. Iðnaðarvörur voru 50% alls vöruútflutnings og var verðmæti þeirra 6,6% lægra en á sama tíma árið áður. Sjávarafurðir voru 42% alls vöruútflutnings og var verðmæti þeirra 6,9% lægra en á sama tíma í fyrra.
Verðmæti vöruinnflutnings 38,5 milljörðum lægra
Verðmæti vöruinnflutnings var 38,5 milljörðum króna lægra á fyrstu fimm mánuðum ársins 2020 en á sama tímabili fyrir ári eða 12,6% á gengi hvors árs fyrir sig.1 Innflutningur dróst saman í öllum flokkum nema flutningatækjum og neysluvörum.
| Verðmæti útflutnings og innflutnings janúar-maí 2019 og 2020 | |||||
| Millj. kr. á gengi hvors árs | Breytingar frá fyrra ári á gengi hvors árs, % janúar-maí | ||||
| Maí | Janúar-maí | ||||
| 2019 | 2020 | 2019 | 2020 | ||
| Útflutningur alls fob | 63.230,5 | 52.949,1 | 287.429,6 | 249.239,2 | -13,3 |
| Sjávarafurðir | 28.107,2 | 23.749,1 | 112.471,3 | 104.706,9 | -6,9 |
| Landbúnaðarvörur | 2.622,4 | 2.021,8 | 12.981,5 | 13.690,8 | 5,5 |
| Iðnaðarvörur | 30.948,4 | 25.862,4 | 133.448,6 | 124.654,2 | -6,6 |
| Aðrar vörur | 1.552,5 | 1.315,9 | 28.528,2 | 6.187,3 | -78,3 |
| Innflutningur alls fob | 66.047,2 | 51.129,0 | 306.368,9 | 267.838,8 | -12,6 |
| Matvörur og drykkjarvörur | 6.237,6 | 4.683,8 | 28.740,3 | 26.347,4 | -8,3 |
| Hrávörur og rekstrarvörur, ót.a. | 15.360,0 | 16.063,6 | 91.252,4 | 76.911,6 | -15,7 |
| Eldsneyti og smurolíur | 9.218,0 | 3.309,3 | 34.958,8 | 22.325,7 | -36,1 |
| Fjárfest.vörur (þó ekki flutn.tæki) | 15.534,1 | 12.519,9 | 73.448,2 | 60.672,8 | -17,4 |
| Flutningatæki | 11.235,1 | 6.612,4 | 36.227,0 | 39.270,6 | 8,4 |
| Neysluvörur ót.a. | 8.423,6 | 7.897,6 | 41.579,5 | 42.191,7 | 1,5 |
| Vörur ót.a (t.d. endursendar vörur) | 38,8 | 42,4 | 162,7 | 118,9 | -26,9 |
| Vöruviðskiptajöfnuður | -2.816,7 | 1.820,1 | -18.939,2 | -18.599,6 | |
1) Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.