Fluttar voru út vörur fyrir 51,8 milljarða króna í janúar 2020 og inn fyrir 50,6 milljarða króna fob (53,9 milljarða króna cif). Vöruviðskiptin í janúar, reiknuð á fob verðmæti, voru því hagstæð um 1,3 milljarða króna. Til samanburðar voru vöruviðskiptin hagstæð um 24,1 milljarð króna í janúar 2019 á gengi hvors árs fyrir sig.1
Vöruviðskiptajöfnuðurinn í janúar 2020 var því 22,9 milljörðum króna minni en á sama tíma fyrir ári, en þess má geta að í janúar 2019 voru flutt út skip og flugvélar fyrir 19,4 milljarða króna. Án skipa og flugvéla nam vöruviðskiptajöfnuðurinn í mánuðinum 2,5 milljörðum króna, samanborið við 4,7 milljarða króna í janúar 2019.
Mest aukning í frystum heilum fiski og flökum
Verðmæti vöruútflutnings var 24,7 milljarða króna minni í janúar 2020 en árið 2019, eða 32,3% á gengi hvors árs fyrir sig.1 Iðnaðarvörur voru tæpur helmingur alls útflutnings, eða 48%,og var verðmæti þeirra 18% minna en á sama tíma árið áður. Sjávarafurðir voru 44,3% alls vöruútflutnings og var verðmæti þeirra 3% meira en á sama tíma árið áður. Mest var aukning á frystum heilum fiski og frystum flökum. Á móti kom minna verðmæti á ferskum fiski á milli ára.
Vöruinnflutningur 1,8 milljörðum minni
Verðmæti vöruinnflutnings var 1,8 milljörðum króna minni í janúar 2020 en árið áður, eða 3,5% á gengi hvors árs fyrir sig.1 Innflutningur jókst á flutningstækjum, eldsneyti og smurolíum og neysluvörum en dróst saman í öðrum flokkum.
| Verðmæti útflutnings og innflutnings í janúar 2019 og 2020 | |||
| Millj. kr. á gengi hvors árs | Breytingar frá fyrra ári á gengi hvors árs, % janúar | ||
| Janúar | |||
| 2019 | 2020 | ||
| Útflutningur alls fob | 76.557,9 | 51.832,1 | -32,3 |
| Sjávarafurðir | 22.311,1 | 22.971,1 | 3,0 |
| Landbúnaðarvörur | 3.054,0 | 2.893,4 | -5,3 |
| Iðnaðarvörur | 30.329,2 | 24.859,1 | -18,0 |
| Aðrar vörur | 20.863,6 | 1.108,4 | -94,7 |
| Innflutningur alls fob | 52.419,5 | 50.574,4 | -3,5 |
| Matvörur og drykkjarvörur | 6.092,3 | 4.536,8 | -25,5 |
| Hrávörur og rekstrarvörur, ót.a. | 13.932,2 | 9.968,7 | -28,4 |
| Eldsneyti og smurolíur | 5.716,3 | 7.508,5 | 31,4 |
| Fjárfest.vörur (þó ekki flutn.tæki) | 14.444,1 | 11.635,8 | -19,4 |
| Flutningatæki | 4.622,2 | 9.118,0 | 97,3 |
| Neysluvörur ót.a. | 7.565,8 | 7.794,0 | 3,0 |
| Vörur ót.a (t.d. endursendar vörur) | 46,5 | 12,7 | -72,8 |
| Vöruviðskiptajöfnuður | 24.138,4 | 1.257,6 | |
1 Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.