Fluttar voru út vörur fyrir 641 milljarð króna árið 2019 og inn fyrir 755,7 milljarða króna fob (807,2 milljarða króna cif). Vöruviðskiptin 2019, reiknuð á fob verðmæti, voru því óhagstæð um 114,7 milljarða króna. Vöruviðskiptahallinn 2019 var 62,8 milljörðum króna minni en árið 2018 þegar vöruviðskiptin voru óhagstæð um 177,5 milljarða króna á gengi hvors árs.1 Vöruviðskiptahallinn 2019 án skipa og flugvéla nam 119,4 milljörðum króna samanborið við 162,4 milljarða króna halla árið áður.
Verðmæti sjávarafurða jókst um 8,5% á milli ára
Verðmæti vöruútflutnings árið 2019 var 38,9 milljörðum króna hærra samanborið við árið 2018 eða 6,5% á gengi hvors árs.1 Iðnaðarvörur voru 47,9% alls útflutnings og var verðmæti þeirra 4,4% lægra en á sama tíma árið áður. Útflutningur á áli og álafurðum átti stærsta hlutdeild í útflutningi á iðnaðarvörum árið 2019 eða 33,1%. Sjávarafurðir voru 40,6% alls vöruútflutnings og var verðmæti þeirra 8,5% hærra en árið áður. Stærstu hlutdeild í útflutningi sjávarafurða árið 2019 áttu ferskur fiskur (11,1% af heildarútflutningi) og fryst flök (10,7%). Stærstu viðskiptalönd í vöruútflutningi árið 2019 voru Holland (Niðurland), Bretland og Spánn en 70,9% alls útflutnings fór til ríkja Evrópusambandsins.
Munaði mestu um eldsneyti, smurolíur og flutningatæki
Árið 2019 var verðmæti vöruinnflutnings 24 milljörðum króna lægra en árið 2018 eða 3,1% á gengi hvors árs.1 Mestu munaði um innflutning á eldsneyti og smurolíum og flutningatækjum. Stærstu hlutdeild í innflutningi áttu hrá- og rekstrarvörur (28,8%) og fjárfestingarvörur (22,1%). Stærstu viðskiptalönd í vöruinnflutningi árið 2019 voru Noregur, Bandaríkin og Þýskaland en 51,9% alls innflutnings kom frá ríkjum ESB.
| Verðmæti útflutnings og innflutnings janúar-desember 2018 og 2019 | |||
| Millj. kr. á gengi hvors árs | Breytingar frá fyrra ári á gengi hvors árs % jan-des | ||
| Janúar-desember | |||
| 2018 | 2019 | ||
| Útflutningur alls fob | 602.102,5 | 640.954,3 | 6,5 |
| Sjávarafurðir | 239.815,1 | 260.138,2 | 8,5 |
| Landbúnaðarvörur | 20.479,3 | 30.816,4 | 50,5 |
| Iðnaðarvörur | 321.055,8 | 306.948,0 | -4,4 |
| Aðrar vörur | 20.752,3 | 43.051,7 | 107,5 |
| Innflutningur alls fob | 779.616,2 | 755.655,6 | -3,1 |
| Matvörur og drykkjarvörur | 63.114,7 | 71.158,6 | 12,7 |
| Hrávörur og rekstrarvörur, ót.a. | 222.005,6 | 217.578,2 | -2,0 |
| Eldsneyti og smurolíur | 115.718,6 | 93.111,9 | -19,5 |
| Fjárfest.vörur (þó ekki flutn.tæki) | 160.171,1 | 167.026,4 | 4,3 |
| Flutningatæki | 115.869,5 | 102.629,6 | -11,4 |
| Neysluvörur ót.a. | 99.733,8 | 103.712,9 | 4,0 |
| Vörur ót.a (t.d. endursendar vörur) | 3.002,9 | 438,0 | -85,4 |
| Vöruviðskiptajöfnuður | -177.513,7 | -114.701,2 | |
1) Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.