Vöruskiptajöfnuður
Í marsmánuði voru fluttar út vörur fyrir 34,3 milljarða króna og inn fyrir 37,1 milljarð króna fob (40,5 milljarða króna cif). Vöruskiptin í mars, reiknuð á fob verðmæti, voru því óhagstæð um 2,8 milljarða króna. Í mars 2007 voru vöruskiptin óhagstæð um 4 milljarða króna á sama gengi¹.
Fyrstu þrjá mánuðina 2008 voru fluttar út vörur fyrir 78 milljarða króna en inn fyrir 102,7 milljarða króna fob (111,9 milljarða króna cif). Halli var á vöruskiptunum við útlönd, reiknað á fob verðmæti, sem nam 24,7 milljörðum en á sama tíma árið áður voru þau óhagstæð um 12,3 milljarða á sama gengi¹. Vöruskiptajöfnuðurinn var því 12,5 milljörðum króna óhagstæðari en á sama tíma árið áður.
Útflutningur
Fyrstu þrjá mánuði ársins 2008 var verðmæti vöruútflutnings 10,1 milljarði eða 11,4% minna á föstu gengi¹ en á sama tíma árið áður. Sjávarafurðir voru 41% alls útflutnings og var verðmæti þeirra 15,4% minna en á sama tíma árið áður. Útfluttar iðnaðarvörur voru nær helmingur alls útflutnings og var verðmæti þeirra 11,7% meira en árið áður. Mestur samdráttur varð í útflutningi skipa og flugvéla og sjávarafurða, aðallega frystra flaka, en á móti kom aukning í útflutningi á áli.
Innflutningur
Fyrstu þrjá mánuði ársins 2008 var verðmæti vöruinnflutnings 2,4 milljörðum eða 2,4% meira á föstu gengi¹ en á sama tíma árið áður. Mest aukning varð í innflutningi á fólksbílum og hrá- og rekstrarvörum en á móti kom samdráttur í innflutningi á flugvélum og fjárfestingavöru.
| Vöruskiptin við útlönd mars 2008 | |||||
| Millj. kr á gengi ársins 2008 | Breytingar frá fyrra ári á föstu gengi, % Jan.-mars | ||||
| Mars | Janúar-mars | ||||
| 2007 | 2008 | 2007 | 2008 | ||
| Útflutningur alls fob | 30.637 | 34.291 | 80.417 | 78.006 | -11,4 |
| Innflutningur alls fob | 33.942 | 37.133 | 91.610 | 102.739 | 2,4 |
| Vöruskiptajöfnuður | -3.305 | -2.841 | -11.193 | -24.733 | · |
| Verðmæti útflutnings og innflutnings í mars 2007 og 2008 | |||||
| Millj. kr. á gengi hvors árs | Breytingar frá fyrra ári á föstu gengi, % Jan.-mars | ||||
| Mars | Janúar-mars | ||||
| 2007 | 2008 | 2007 | 2008 | ||
| Útflutningur alls fob | 30.637,3 | 34.291,5 | 80.416,7 | 78.006,2 | -11,4 |
| Sjávarafurðir | 14.731,2 | 12.613,2 | 34.930,4 | 32.353,6 | -15,4 |
| Landbúnaðarvörur | 354,4 | 264,2 | 1.278,1 | 1.206,5 | -13,8 |
| Iðnaðarvörur | 11.554,3 | 17.421,2 | 31.806,8 | 38.926,1 | 11,7 |
| Aðrar vörur | 3.997,4 | 3.992,9 | 12.401,4 | 5.520,0 | -59,4 |
| Innflutningur alls fob | 33.942,5 | 37.132,7 | 91.609,7 | 102.739,5 | 2,4 |
| Matvörur og drykkjarvörur | 2.118,7 | 3.078,0 | 5.740,3 | 7.532,2 | 19,8 |
| Hrávörur og rekstrarvörur, ót.a. | 9.285,3 | 10.964,5 | 24.568,1 | 28.818,9 | 7,1 |
| Eldsneyti og smurolíur | 3.543,4 | 2.198,0 | 8.100,7 | 9.318,7 | 5,0 |
| Fjárfest.vörur (þó ekki flutn.tæki) | 8.083,0 | 9.290,0 | 23.596,9 | 23.383,6 | -9,5 |
| Flutningatæki | 5.439,7 | 5.468,7 | 15.192,1 | 16.967,0 | 2,0 |
| Neysluvörur ót.a. | 5.421,9 | 6.123,9 | 14.317,6 | 16.665,0 | 6,3 |
| Vörur ót.a (t.d. endursendar vörur) | 50,4 | 9,7 | 94,0 | 54,1 | -47,4 |
| Vöruskiptajöfnuður | -3.305,2 | -2.841,2 | -11.192,9 | -24.733,2 | · |
¹ Miðað er við meðalgengi á vöruviðskiptavog. Á þann mælikvarða er meðalverð erlends gjaldeyris 9,5% hærra mánuðina janúar–mars 2008 en sömu mánuði fyrra árs.
Í mars 2008 var meðalverð erlends gjaldeyris 21,2% hærra en í mars árið áður.
Mánaðarlegar tölur um utanríkisverslun líðandi árs eru endurskoðaðar allt árið og því geta þær breyst með útgáfu nýrra mánaðartalna. Endanlegar niðurstöður fyrir hvert ár eru gefnar út í mars næsta ár.
Frá og með 1. febrúar 2008 breyttist umreikningur vöru í erlendum gjaldeyri til íslenskra króna. Áður var mánaðarlegt sölugengi notað við verðmætisútreikning innflutnings og mánaðarlegt kaupgengi við verðmætisútreikning útflutnings. Nú er miðað við daglegt miðgengi viðkomandi gjaldmiðla fyrir innflutning og útflutning eins og það er skráð af Seðlabanka Íslands síðasta virka dag á undan tollafgreiðsludegi. Vöruskiptin frá og með febrúartölum eru því ekki fyllilega sambærileg við niðurstöður janúarmánaðar né tölur síðasta árs.
Talnaefni