Vöruskiptajöfnuður
Í júní mánuði voru fluttar út vörur fyrir 41,4 milljarða króna og inn fyrir tæpa 39,1 milljarð króna fob (42,4 milljarða króna cif). Vöruskiptin í júní, reiknuð á fob verðmæti, voru því hagstæð um 2,3 milljarða króna. Í júní 2007 voru vöruskiptin óhagstæð um 13,4 milljarða króna á sama gengi¹.
Fyrstu sex mánuðina 2008 voru fluttar út vörur fyrir 206,8 milljarða króna en inn fyrir 231,2 milljarða króna fob (251,3 milljarða króna cif). Halli var á vöruskiptunum við útlönd, reiknað á fob verðmæti, sem nam 24,4 milljörðum en á sama tíma árið áður voru þau óhagstæð um 50 milljarða á sama gengi¹. Vöruskiptajöfnuðurinn var því 25,6 milljörðum króna hagstæðari en á sama tíma árið áður.
Útflutningur
Fyrstu sex mánuði ársins 2008 var verðmæti vöruútflutnings 25,6 milljörðum eða 14,1% meira á föstu gengi¹ en á sama tíma árið áður. Iðnaðarvörur voru 48,4% alls útflutnings og var verðmæti þeirra 41,4% meira en árið áður. Sjávarafurðir voru 37,4% alls útflutnings og var verðmæti þeirra 4,1% minna en á sama tíma árið áður. Mestur samdráttur varð í útflutningi sjávarafurða, aðallega frystra flaka og í útflutningi skipa og flugvéla en á móti kom mikil aukning í útflutningi á áli.
Innflutningur
Fyrstu sex mánuði ársins 2008 var verðmæti vöruinnflutnings svipað og á sama tíma árið áður á föstu gengi¹. Mestur samdráttur varð í innflutningi á fjárfestingarvöru og flutningatækjum, aðallega flugvélum en á móti kom aukning í innflutningi á hrá- og rekstrarvörum, eldsneyti og smurolíum og mat- og drykkjarvörum.
| Vöruskiptin við útlönd júní 2008 | |||||
| Millj. kr á gengi ársins 2008 | Breytingar frá fyrra ári á föstu gengi, % Jan.-júní | ||||
| Júní | Janúar-júní | ||||
| 2007 | 2008 | 2007 | 2008 | ||
| Útflutningur alls fob | 32.474 | 41.423 | 181.251 | 206.841 | 14,1 |
| Innflutningur alls fob | 45.857 | 39.091 | 231.264 | 231.248 | 0,0 |
| Vöruskiptajöfnuður | -13.382 | 2.332 | -50.012 | -24.407 | . |
| Verðmæti útflutnings og innflutnings í júní 2007 og 2008 | |||||
| Millj. kr. á gengi hvors árs | Breytingar frá fyrra ári á föstu gengi, % Jan.-júní | ||||
| Júní | Janúar-júní | ||||
| 2007 | 2008 | 2007 | 2008 | ||
| Útflutningur alls fob | 23.105,3 | 41.422,6 | 149.522,6 | 206.841,0 | 14,1 |
| Sjávarafurðir | 10.320,2 | 13.771,9 | 66.567,9 | 77.425,2 | -4,1 |
| Landbúnaðarvörur | 99,1 | 471,4 | 1.676,4 | 2.400,0 | 18,1 |
| Iðnaðarvörur | 9.320,5 | 22.719,8 | 58.435,2 | 100.182,2 | 41,4 |
| Aðrar vörur | 3.365,5 | 4.459,4 | 22.843,1 | 26.833,7 | -3,1 |
| Innflutningur alls fob | 32.626,6 | 39.090,5 | 190.780,1 | 231.247,8 | 0,0 |
| Matvörur og drykkjarvörur | 2.374,6 | 2.820,8 | 12.240,0 | 16.881,0 | 13,8 |
| Hrávörur og rekstrarvörur, ót.a. | 6.827,4 | 13.095,3 | 49.556,1 | 66.659,7 | 11,0 |
| Eldsneyti og smurolíur | 2.344,0 | 5.067,8 | 15.093,4 | 23.377,4 | 27,8 |
| Fjárfest.vörur (þó ekki flutn.tæki) | 7.343,3 | 7.838,1 | 45.007,6 | 49.257,0 | -9,7 |
| Flutningatæki | 9.394,0 | 4.926,2 | 40.058,0 | 40.673,6 | -16,2 |
| Neysluvörur ót.a. | 4.336,2 | 5.245,6 | 28.639,7 | 34.193,1 | -1,5 |
| Vörur ót.a (t.d. endursendar vörur) | 7,2 | 96,9 | 185,4 | 205,9 | -8,4 |
| Vöruskiptajöfnuður | -9.521,4 | 2.332,1 | -41.257,5 | -24.406,7 | · |
¹ Miðað er við meðalgengi á vöruviðskiptavog. Á þann mælikvarða er meðalverð erlends gjaldeyris 21,2% hærra mánuðina janúar–júní 2008 en sömu mánuði fyrra árs.
Í júní 2008 var meðalverð erlends gjaldeyris 40,5% hærra en í júní árið áður.
Mánaðarlegar tölur um utanríkisverslun líðandi árs eru endurskoðaðar allt árið og því geta þær breyst með útgáfu nýrra mánaðartalna. Endanlegar niðurstöður fyrir hvert ár eru gefnar út í febrúar næsta ár.
Frá og með 1. febrúar 2008 breyttist umreikningur vöru í erlendum gjaldeyri til íslenskra króna. Áður var mánaðarlegt sölugengi notað við verðmætisútreikning innflutnings og mánaðarlegt kaupgengi við verðmætisútreikning útflutnings. Nú er miðað við daglegt miðgengi viðkomandi gjaldmiðla fyrir innflutning og útflutning eins og það er skráð af Seðlabanka Íslands síðasta virka dag á undan tollafgreiðsludegi. Vöruskiptin frá og með febrúartölum eru því ekki fyllilega sambærileg við niðurstöður janúarmánaðar né tölur síðasta árs.