Samkvæmt bráðabirgðatölum var vöru- og þjónustujöfnuður á öðrum ársfjórðungi 2019, eins og hann birtist í þjóðhagsreikningum og greiðslujöfnuði, jákvæður um 9,4 milljarða króna samanborið við neikvæðan 0,5 milljarða króna jöfnuð á sama tíma árið 2018, á gengi hvors árs. Umreiknaður vöruskiptajöfnuður var óhagstæður um 42,7 milljarða á meðan þjónustujöfnuður var hagstæður um 52,1 milljarð. Heildarútflutningstekjur á öðrum ársfjórðungi 2019, vegna vöru- og þjónustuviðskipta, námu 329,2 milljörðum króna en heildarinnflutningur á vörum og þjónustu nam 319,8 milljörðum króna.
Samhliða ársfjórðungsútgáfu á vöruviðskipta- og þjónustujöfnuði uppfærir Hagstofan gögn um mánaðarlegan vöruviðskipta- og þjónustujöfnuð á öðrum ársfjórðungi 2019. Í júní var áætlað verðmæti útflutnings fyrir vöru- og þjónustuviðskipti 113,8 milljarðar en áætlað verðmæti innflutnings vöru- og þjónustuviðskipta 116,1 milljarður. Vöru og þjónustujöfnuður er því áætlaður neikvæður um 2,3 milljarða í júní 2019.
Þessar upplýsingar koma fram í brúartöflum á vef Hagstofunnar sem samræma staðla vöruviðskipta og greiðslujafnaðar.
Verðmæti útflutnings og innflutnings í janúar til júní 2018 og 2019 | |||||
Millj. kr. á gengi hvors árs | Breytingar frá fyrra ári á gengi hvors árs, % | ||||
Júní | Janúar-Júní | ||||
2018 | 2019 | 2018 | 2019 | ||
Vöru- og þjónustuviðskipti, útflutningur alls | 121.984,6 | 113.843,3 | 594.581,7 | 637.743,3 | 7,3 |
Vöruskipti: = Útflutningur í greiðslujöfnuði | 51.868,2 | 47.193,8 | 293.220,5 | 339.702,7 | 15,9 |
Þjónustuviðskipti: = Útflutt þjónusta | 70.116,3 | 66.649,5 | 301.361,2 | 298.040,6 | -1,1 |
Vöru- og þjónustuviðskipti, innflutningur alls | 115.016,0 | 116.111,7 | 585.051,6 | 595.428,5 | 1,8 |
Vöruskipti: = Innflutningur í greiðslujöfnuði | 70.628,0 | 74.396,3 | 370.854,1 | 379.704,9 | 2,4 |
Þjónustuviðskipti: = Innflutt þjónusta | 44.388,1 | 41.715,5 | 214.197,5 | 215.723,6 | 0,7 |
Vöru- og þjónustujöfnuður í greiðslujöfnuði | 6.968,5 | -2.268,4 | 9.530,1 | 42.314,8 |