Útflutningur á þjónustu á fyrsta ársfjórðungi 2011 var, samkvæmt bráðabirgðatölum, 58,2 milljarðar en innflutningur á þjónustu 60,4 milljarðar króna. Þjónustujöfnuður við útlönd á fyrsta ársfjórðungi var því neikvæður um 2,2 milljarða króna.

Samgöngur er stærsti þjónustuliður í útflutningi á þjónustu og afgangur vegna þeirrar þjónustu var um 9,3 milljarðar. Önnur þjónusta er stærsti liður í innflutningi og nam halli á þeirri þjónustu um 8,1 milljarði. Halli á ferðaþjónustu var um 3,5 milljarðar.

Næsta fréttatilkynning um þjónustuviðskipti við útlönd verður birt þann 31. ágúst. Þar verður að finna heildar niðurstöður fyrir árið 2010 þar sem niðurstöður fyrir hvern ársfjórðung eru endurskoðaðar auk bráðabirgðatalna um annan ársfjórðung 2011.