Í október 2019 var vöruútflutningur í greiðslujöfnuði* áætlaður 66,2 milljarðar en vöruinnflutningur í greiðslujöfnuði áætlaður 64,5 milljarðar. Vöruviðskiptajöfnuður í greiðslujöfnuði var því áætlaður jákvæður um 1,7 milljarða króna. Í sama mánuði var þjónustujöfnuður áætlaður jákvæður um 13,7 milljarða en útflutt þjónusta var áætluð 53,2 milljarðar á meðan innflutt þjónusta var áætluð 39,5 milljarðar.
Í október 2019 var því áætlað verðmæti útflutnings vöru- og þjónustuviðskipta 119,5 milljarðar en áætlað verðmæti innflutnings vöru- og þjónustuviðskipta var 104,1 milljarður. Vöru og þjónustujöfnuður var því áætlaður jákvæður um 15,4 milljarða í október 2019.
Á fyrstu tíu mánuðum ársins var verðmæti útflutnings vöru- og þjónustuviðskipta áætlað 1.130,1 milljarður samanborið við 1.115,2 milljarða árið áður. Verðmæti innflutnings fyrir sama tímabil var áætlað 1.018,9 milljarðar samanborið við 1.024,4 milljarða fyrir sama tímabili 2018. Uppsafnaður vöru- og þjónustujöfnuður fyrstu tíu mánuði ársins 2019 var því áætlaður jákvæður um 111,2 milljarða samabanborið við 90,8 milljarða jákvæðan jöfnuð fyrir sama tímabil 2018.
*Samkvæmt stöðlum greiðslujafnaðar og þjóðhagsreikninga.
| Verðmæti útflutnings og innflutnings í janúar til október 2018 og 2019 | |||||
| Millj. kr. á gengi hvors árs | Breytingar frá fyrra ári á gengi hvors árs, % | ||||
| Október | Janúar-Október | ||||
| 2018 | 2019 | 2018 | 2019 | ||
| Vöru- og þjónustuviðskipti, útflutningur alls | 122.535,5 | 119.464,7 | 1.115.233,4 | 1.130.140,0 | 1,3 |
| Vöruskipti: = Útflutningur í greiðslujöfnuði | 62.115,3 | 66.247,7 | 504.932,7 | 556.564,8 | 10,2 |
| Þjónustuviðskipti: = Útflutt þjónusta | 60.420,1 | 53.217,0 | 610.300,7 | 573.575,2 | -6,0 |
| Vöru- og þjónustuviðskipti, innflutningur alls | 117.075,6 | 104.066,5 | 1.024.438,9 | 1.018.945,0 | -0,5 |
| Vöruskipti: = Innflutningur í greiðslujöfnuði | 72.227,9 | 64.538,1 | 640.276,8 | 641.347,7 | 0,2 |
| Þjónustuviðskipti: = Innflutt þjónusta | 44.847,7 | 39.528,5 | 384.162,1 | 377.597,3 | -1,7 |
| Vöru- og þjónustujöfnuður í greiðslujöfnuði | 5.459,9 | 15.398,2 | 90.794,5 | 111.195,0 | |