Útgáfa á mánaðarlegum vöru- og þjónustujöfnuði hófst 2018. Með nýjustu útgáfunni eru tölur fyrir vöruviðskipti í greiðslujöfnuði* og þjónustuviðskipti nú aðgengilegar fyrir fyrstu tíu mánuði ársins.
Í október 2018 er vöruútflutningur í greiðslujöfnuði* áætlaður 61,9 milljarðar en vöruinnflutningur í greiðslujöfnuði* áætlaður 72,3 milljarðar. Vöruviðskiptajöfnuður í greiðslujöfnuði* er því áætlaður neikvæður um 10,4 milljarða. Þjónustujöfnuður í október 2018 er hins vegar áætlaður jákvæður um 22,8 milljarðar en áætluð útflutt þjónusta er áætluð 62,5 milljarðar á meðan innflutt þjónusta er áætluð 39,7 milljarðar.
Í október 2018 er því áætlað verðmæti útflutnings fyrir vöru- og þjónustuviðskipti 124,4 milljarðar en ætlað verðmæti innflutnings fyrir vöru- og þjónustuviðskipti er 112,0 milljarðar. Vöru og þjónustujöfnuður er því áætlaður jákvæður um 12,4 milljarða í október 2018.
*Samkvæmt stöðlum greiðslujafnaðar og þjóðhagsreikninga.
