Vöruútflutningur í greiðslujöfnuði* var áætlaður 52,6 milljarðar króna í janúar 2020 en vöruinnflutningur í greiðslujöfnuði 50,5 milljarðar. Vöruviðskiptajöfnuður í greiðslujöfnuði var því áætlaður jákvæður um 2 milljarða króna. Í sama mánuði var þjónustujöfnuður áætlaður jákvæður um 8,4 milljarða en útflutt þjónusta var áætluð 40,3 milljarðar á meðan innflutt þjónusta var áætluð 31,9 milljarðar.
Verðmæti útflutnings vöru- og þjónustuviðskipta var áætlað 92,9 milljarðar króna í janúar 2020 samanborið við 121,2 milljarða í janúar árið áður. Hafa ber í huga að í janúar 2019 nam útflutningur skipa og flugvéla 27,3 milljörðum. Verðmæti innflutnings fyrir janúar 2020 var áætlað 82,5 milljarðar borið saman við 85,5 milljarða í janúar 2019. Vöru- og þjónustujöfnuður fyrsta mánuð ársins 2020 var því áætlaður jákvæður um 10,4 milljarða króna samanborið við 35,7 milljarða jákvæðan jöfnuð fyrir sama mánuð 2019.
*Samkvæmt stöðlum greiðslujafnaðar og þjóðhagsreikninga.
| Verðmæti útflutnings og innflutnings í janúar 2019 og 2020 | |||
| Millj. kr. á gengi hvors árs | Breytingar frá fyrra ári á gengi hvors árs, % | ||
| Janúar | |||
| 2019 | 2020 | ||
| Vöru- og þjónustuviðskipti, útflutningur alls | 121.173,1 | 92.855,2 | -23,4 |
| Vöruskipti: = Útflutningur í greiðslujöfnuði | 77.429,8 | 52.550,7 | -32,1 |
| Þjónustuviðskipti: = Útflutt þjónusta | 43.743,3 | 40.304,5 | -7,9 |
| Vöru- og þjónustuviðskipti, innflutningur alls | 85.506,6 | 82.451,6 | -3,6 |
| Vöruskipti: = Innflutningur í greiðslujöfnuði | 52.061,3 | 50.534,7 | -2,9 |
| Þjónustuviðskipti: = Innflutt þjónusta | 33.445,3 | 31.916,9 | -4,6 |
| Vöru- og þjónustujöfnuður í greiðslujöfnuði | 35.666,5 | 10.403,6 | |