Vöruútflutningur í greiðslujöfnuði* var áætlaður 48,6 milljarðar króna í febrúar 2020 en vöruinnflutningur í greiðslujöfnuði 49,3 milljarðar. Vöruviðskiptajöfnuður í greiðslujöfnuði var því áætlaður neikvæður um 0,7 milljarða króna. Í sama mánuði var þjónustujöfnuður áætlaður jákvæður um 7,2 milljarða, en útflutt þjónusta var áætluð 38 milljarðar á meðan innflutt þjónusta var áætluð 30,8 milljarðar.
Verðmæti útflutnings vöru- og þjónustuviðskipta í febrúar 2020 var því áætlað 86,6 milljarðar en áætlað verðmæti innflutnings vöru- og þjónustuviðskipta á sama tíma var 80,1 milljarður. Vöru- og þjónustujöfnuður var fyrir vikið áætlaður jákvæður um 6,5 milljarða í febrúar 2020.
Verðmæti útflutnings vöru- og þjónustuviðskipta var áætlað 179,5 milljarðar á fyrstu tveimur mánuðum ársins samanborið við 207,7 milljarða árið áður. Verðmæti innflutnings var áætlað 162,6 milljarðar borið saman við 179 milljarða fyrir sama tímabili 2019. Uppsafnaður vöru- og þjónustujöfnuður fyrstu tvo mánuði ársins 2020 var því áætlaður jákvæður um 16,9 milljarða samanborið við 28,7 milljarða jákvæðan jöfnuð fyrir sama tímabil árið á undan.
*Samkvæmt stöðlum greiðslujafnaðar og þjóðhagsreikninga.
Verðmæti útflutnings og innflutnings í janúar til febrúar 2019 og 2020 | |||||
Millj. kr. á gengi hvors árs | Breytingar frá fyrra ári á gengi hvors árs, % | ||||
Febrúar | Janúar-febrúar | ||||
2019 | 2020 | 2019 | 2020 | ||
Vöru- og þjónustuviðskipti, útflutningur alls | 86.518,9 | 86.603,2 | 207.692,0 | 179.458,5 | -13,6 |
Vöruskipti: = Útflutningur í greiðslujöfnuði | 45.597,6 | 48.585,5 | 123.027,4 | 101.136,2 | -17,8 |
Þjónustuviðskipti: = Útflutt þjónusta | 40.921,4 | 38.017,8 | 84.664,6 | 78.322,3 | -7,5 |
Vöru- og þjónustuviðskipti, innflutningur alls | 93.472,6 | 80.106,2 | 178.979,2 | 162.557,8 | -9,2 |
Vöruskipti: = Innflutningur í greiðslujöfnuði | 60.361,3 | 49.267,9 | 112.422,6 | 99.802,7 | -11,2 |
Þjónustuviðskipti: = Innflutt þjónusta | 33.111,2 | 30.838,3 | 66.556,5 | 62.755,2 | -5,7 |
Vöru- og þjónustujöfnuður í greiðslujöfnuði | -6.953,6 | 6.497,1 | 28.712,8 | 16.900,7 |