Í febrúar 2019 var vöruútflutningur í greiðslujöfnuði* áætlaður 45,7 milljarðar en vöruinnflutningur í greiðslujöfnuði áætlaður 59,7 milljarðar. Vöruviðskiptajöfnuður í greiðslujöfnuði var því áætlaður neikvæður um rúma 14 milljarða. Þjónustujöfnuður í febrúar 2019 var áætlaður jákvæður um 9,3 milljarða en útflutt þjónusta var áætluð 40,6 milljarðar á meðan innflutt þjónusta var áætluð 31,3 milljarðar.
Í febrúar 2019 var því áætlað verðmæti útflutnings vöru- og þjónustuviðskipta 86,3 milljarðar en áætlað verðmæti innflutnings vöru- og þjónustuviðskipta var 91,1 milljarður. Vöru og þjónustujöfnuður var því áætlaður neikvæður um 4,8 milljarða í febrúar 2019.
*Samkvæmt stöðlum greiðslujafnaðar og þjóðhagsreikninga.