Í ágúst 2019 var vöruútflutningur í greiðslujöfnuði* áætlaður 46,1 milljarður en vöruinnflutningur í greiðslujöfnuði áætlaður 57,2 milljarðar. Vöruviðskiptajöfnuður í greiðslujöfnuði var því áætlaður neikvæður um 11,1 milljarð króna. Í sama mánuði var þjónustujöfnuður áætlaður jákvæður um 40,0 milljarða en útflutt þjónusta var áætluð 78,7 milljarðar á meðan innflutt þjónusta var áætluð 38,7 milljarðar.
Í ágúst 2019 var því áætlað verðmæti útflutnings vöru- og þjónustuviðskipta 124,8 milljarðar en áætlað verðmæti innflutnings vöru- og þjónustuviðskipta var 95,9 milljarðar. Vöru og þjónustujöfnuður var því áætlaður jákvæður um 28,9 milljarða í ágúst 2019.
Á fyrstu átta mánuðum ársins var verðmæti útflutnings vöru- og þjónustuviðskipta áætlað 895,2 milljarðar samanborið við 863,8 milljarða árið áður. Verðmæti innflutnings fyrir sama tímabil var áætlað 803,6 milljarðar samanborið við 803,0 milljarða fyrir sama tímabili 2018. Uppsafnaður vöru- og þjónustujöfnuður fyrstu átta mánuði ársins 2019 var því áætlaður jákvæður um 91,5 milljarða samabanborið við 60,7 milljarða jákvæðan jöfnuð fyrir sama tímabil á síðasta ári.
*Samkvæmt stöðlum greiðslujafnaðar og þjóðhagsreikninga.
| Verðmæti útflutnings og innflutnings í janúar til ágúst 2018 og 2019 | |||||
| Millj. kr. á gengi hvors árs | Breytingar frá fyrra ári á gengi hvors árs, % | ||||
| Ágúst | Janúar-Ágúst | ||||
| 2018 | 2019 | 2018 | 2019 | ||
| Vöru- og þjónustuviðskipti, útflutningur alls | 131.918,1 | 124.843,5 | 863.757,7 | 895.190,4 | 3,6 |
| Vöruskipti: = Útflutningur í greiðslujöfnuði | 48.585,3 | 46.129,6 | 393.115,8 | 438.035,5 | 11,4 |
| Þjónustuviðskipti: = Útflutt þjónusta | 83.332,8 | 78.713,9 | 470.641,9 | 457.154,8 | -2,9 |
| Vöru- og þjónustuviðskipti, innflutningur alls | 107.233,9 | 95.944,9 | 803.027,8 | 803.684,9 | 0,1 |
| Vöruskipti: = Innflutningur í greiðslujöfnuði | 66.221,7 | 57.248,7 | 505.372,6 | 507.763,5 | 0,5 |
| Þjónustuviðskipti: = Innflutt þjónusta | 41.012,3 | 38.696,2 | 297.655,1 | 295.921,5 | -0,6 |
| Vöru- og þjónustujöfnuður í greiðslujöfnuði | 24.684,2 | 28.898,6 | 60.729,9 | 91.505,4 | |