Aflaverðmæti 95 milljarðar króna
Aflaverðmæti íslenskra skipa nam rúmum 95 milljörðum króna á fyrstu tíu mánuðum ársins 2009, samanborið við tæpa 80 milljarða yfir sama tímabil 2008. Aflaverðmæti hefur því aukist um 15 milljarða eða 19,2% á milli ára. Aflaverðmæti í októbermánuði nam 9,7 milljörðum króna miðað við 9,4 milljarða í október 2008.
Aflaverðmæti botnfisks var í lok október orðið tæpir 67 milljarðar króna á árinu sem er aukning um 17,6% frá sama tíma í fyrra þegar aflaverðmætið nam tæpum 57 milljörðum. Verðmæti þorskafla var 29,4 milljarðar og jókst um 12,7% frá árinu 2008. Aflaverðmæti ýsu nam um 13 milljörðum, sem er 2,4% aukning milli ára. Verðmæti karfaaflans nam 8,2 milljörðum, sem er 18,6% aukning frá fyrstu tíu mánuðum ársins 2008, og verðmæti ufsaaflans jókst um 13,4% milli ára í 5,7 milljarða króna. Verðmæti annars botnfisksafla jókst í heild um 34,5% miðað við fyrstu tíu mánuði ársins 2008.
Verðmæti flatfiskafla nam 8,4 milljörðum króna í janúar til október 2009 sem er 71,1% aukning frá fyrra ári. Verðmæti uppsjávarafla jókst um 9,2% milli ára og nam tæpum 19 milljörðum króna frá janúar til október 2009. Munar þar mestu um verðmæti síldarafla sem nam 10,4 milljörðum samanborið við 8 milljarða árið 2008 og makríl að verðmæti 4,6 milljarðar, samanborið við 3,5 milljarða fyrir sama tímabil árið 2008.
Verðmæti afla sem seldur er í beinni sölu útgerða til vinnslu innanlands nam 35,4 milljörðum króna fyrstu tíu mánuði ársins og jókst um 16,7% frá fyrra ári. Verðmæti afla sem keyptur er á markaði til vinnslu innanlands jókst um 15,6% milli ára og nam 12,5 milljörðum króna. Aflaverðmæti sjófrystingar nam 33,4 milljörðum, samanborið við rúma 26 milljarða árið áður. Verðmæti afla sem fluttur er út óunninn nam um 11,6 milljörðum, sem er 16,7% aukning miðað við tímabilið janúar til október 2008.
Verðmæti afla janúar-október 2009 | ||||||
Milljónir króna | Október | Janúar–október | Breyting frá | |||
2008 | 2009 | 2008 | 2009 | fyrra ári í % | ||
Verðmæti alls | 9.431 | 9.671 | 79.894 | 95.243 | 19,2 | |
Botnfiskur | 7.013 | 7.591 | 56.694 | 66.674 | 17,6 | |
Þorskur | 2.528 | 3.258 | 26.060 | 29.380 | 12,7 | |
Ýsa | 1.278 | 1.330 | 12.865 | 13.173 | 2,4 | |
Ufsi | 570 | 847 | 5.003 | 5.675 | 13,4 | |
Karfi | 1.830 | 1.156 | 6.905 | 8.187 | 18,6 | |
Úthafskarfi | 0 | 0 | 921 | 3.614 | - | |
Annar botnfiskur | 807 | 1.000 | 4.939 | 6.645 | 34,5 | |
Flatfisksafli | 378 | 434 | 4.900 | 8.382 | 71,1 | |
Uppsjávarafli | 2.006 | 1.531 | 17.166 | 18.751 | 9,2 | |
Síld | 1.993 | 1.528 | 8.016 | 10.352 | 29,1 | |
Loðna | 0 | 0 | 1.846 | 341 | -81,5 | |
Kolmunni | 10 | 2 | 2.718 | 2.635 | -3,1 | |
Annar uppsjávarafli | 3 | 1 | 4.587 | 5.424 | 18,2 | |
Skel- og krabbadýraafli | 25 | 112 | 1.092 | 1.405 | 28,7 | |
Rækja | 8 | 28 | 287 | 542 | 89,1 | |
Annar skel- og krabbad.afli | 17 | 84 | 805 | 863 | 7,2 | |
Annar afli | 10 | 3 | 43 | 31 | -28,6 |
Verðmæti afla eftir tegund löndunar janúar-október 2009 | ||||||
Milljónir króna | Október | Janúar–október | Breyting frá | |||
2008 | 2009 | 2008 | 2009 | fyrra ári í % | ||
Verðmæti alls | 9.431 | 9.671 | 79.894 | 95.243 | 19,2 | |
Til vinnslu innanlands | 2.752 | 2.975 | 30.337 | 35.398 | 16,7 | |
Í gáma til útflutnings | 1.390 | 1.092 | 9.884 | 11.587 | 17,2 | |
Landað erlendis í bræðslu | 199 | 0 | 498 | 327 | -34,3 | |
Sjófryst | 3.604 | 4.118 | 26.045 | 33.383 | 28,2 | |
Á markað til vinnslu innanlands | 1.183 | 1.449 | 10.818 | 12.502 | 15,6 | |
Á markað, í gáma til útflutnings | 249 | 2 | 1.399 | 1.016 | -27,4 | |
Sjófryst til endurvinnslu innanl. | 12 | 0 | 225 | 36 | -83,9 | |
Selt úr skipi erlendis | 0 | 0 | 41 | 263 | 538,6 | |
Fiskeldi | 3 | 0 | 76 | 54 | -29,1 | |
Aðrar löndunartegundir | 40 | 35 | 571 | 676 | 18,4 |
Þessar upplýsingar byggja á vigtar- og ráðstöfunarskýrslum sem Fiskistofa safnar frá fiskkaupendum. Fyrir árið 2009 er stuðst við bráðabirgðatölur en endanlegar tölur liggja að baki talna fyrir árið 2008 Athuganir benda til þess að endanlegar tölur séu að hámarki 1-2% hærri en bráðabirgðatölur þegar á heildina er litið en fyrir örfáar fisktegundir getur munurinn þó orðið meiri.
Talnaefni