Aflaverðmæti 54 milljarðar króna
Aflaverðmæti íslenskra skipa nam tæpum 54 milljörðum króna á fyrri helming ársins 2009, samanborið við rúmlega 45 milljarða yfir sama tímabil 2008. Aflaverðmæti hefur því aukist um 8,4 milljarða eða 18,6 % á milli ára.
Aflaverðmæti botnfisks var í lok júní orðið 40 milljarðar á árinu sem er aukning um 15,1% frá sama tíma í fyrra þegar aflaverðmætið nam tæpum 35 milljörðum. Verðmæti þorskafla var um 19 milljarðar og jókst um 5,5% frá árinu 2008. Aflaverðmæti ýsu nam um 8 milljörðum og stóð nokkurn veginn í stað milli ára. Verðmæti karfaaflans nam rúmum 5 milljörðum, sem er 55% aukning frá fyrstu sex mánuðum ársins 2008, og verðmæti ufsaaflans jókst um 13,6% milli ára í tæpa 3 milljarða króna. Verðmæti annars botnfisksafla jókst í heild um 36,5% miðað við fyrstu sex mánuði ársins 2008.
Verðmæti flatfiskafla nam rúmum 5 milljörðum króna í janúar til júní 2009, sem er 69% aukning frá fyrra ári. Verðmæti uppsjávarafla jókst um 16% milli ára og nam tæpum 8 milljörðum króna á fyrri hluta ársins. Munar þar mestu um verðmæti síldarafla sem nam 2,6 milljörðum samanborið við 1,1 milljarð í fyrra og makríl að verðmæti 2,2 milljarðar samanborið við 1,1 milljarð 2008. Loðnuafli dróst saman um 82% og var aflaverðmætið 341 milljónir króna samanborið við 1,8 milljarða árið áður.
Verðmæti afla sem seldur er í beinni sölu útgerða til vinnslu innanlands nam um 21 milljarði króna fyrstu sex mánuði ársins og jókst um 13,3% frá fyrra ári. Verðmæti afla sem keyptur er á markaði til vinnslu innanlands jókst um 4,7% milli ára og nam tæpum 8 milljörðum króna. Aflaverðmæti sjófrystingar nam tæpum 17 milljörðum, samanborið við 13 milljarða árið áður. Verðmæti afla sem fluttur er út óunninn nam um 6,7 milljörðum, sem er 21,1% aukning miðað við tímabilið janúar til júní 2008.
| Verðmæti afla janúar-júní 2009 | ||||||
| Milljónir króna | Júní | Janúar–júní | Breyting frá | |||
| 2008 | 2009 | 2008 | 2009 | fyrra ári í % | ||
| Verðmæti alls | 5.374 | 10.838 | 45.288 | 53.710 | 18,6 | |
| Botnfiskur | 3.863 | 6.399 | 34.759 | 40.007 | 15,1 | |
| Þorskur | 1.471 | 2.087 | 17.930 | 18.911 | 5,5 | |
| Ýsa | 908 | 1.196 | 7.809 | 8.032 | 2,9 | |
| Ufsi | 221 | 656 | 2.434 | 2.765 | 13,6 | |
| Karfi | 342 | 426 | 3.277 | 5.085 | 55,2 | |
| Úthafskarfi | 435 | 1.310 | 746 | 1.715 | - | |
| Annar botnfiskur | 486 | 723 | 2.562 | 3.498 | 36,5 | |
| Flatfisksafli | 554 | 1.331 | 3.060 | 5.176 | 69,2 | |
| Uppsjávarafli | 730 | 2.831 | 6.738 | 7.818 | 16,0 | |
| Síld | 667 | 1.447 | 1.118 | 2.673 | 139,2 | |
| Loðna | 0 | 0 | 1.846 | 341 | -81,5 | |
| Kolmunni | 0 | 0 | 2.680 | 2.568 | -4,2 | |
| Annar uppsjávarafli | 63 | 1.383 | 1.094 | 2.236 | 104,3 | |
| Skel- og krabbadýraafli | 224 | 276 | 722 | 699 | -3,2 | |
| Rækja | 22 | 91 | 170 | 321 | 89,1 | |
| Annar skel- og krabbad.afli | 203 | 185 | 552 | 377 | -31,6 | |
| Annar afli | 3 | 0 | 10 | 10 | 3,9 | |
| Verðmæti afla eftir tegund löndunar janúar-júní 2009 | ||||||
| Milljónir króna | Júní | Janúar–júní | Breyting frá | |||
| 2008 | 2009 | 2008 | 2009 | fyrra ári í % | ||
| Verðmæti alls | 5.374 | 10.838 | 45.288 | 53.710 | 18,6 | |
| Til vinnslu innanlands | 1.860 | 3.716 | 18.395 | 20.849 | 13,3 | |
| Í gáma til útflutnings | 957 | 1.181 | 5.571 | 6.745 | 21,1 | |
| Landað erlendis í bræðslu | 0 | 68 | 126 | 199 | 57,2 | |
| Sjófryst | 1.486 | 4.406 | 12.665 | 16.778 | 32,5 | |
| Á markað til vinnslu innanlands | 873 | 1.257 | 7.335 | 7.680 | 4,7 | |
| Á markað, í gáma til útflutnings | 106 | 97 | 600 | 659 | 10,0 | |
| Sjófryst til endurvinnslu innanl. | 14 | 7 | 115 | 12 | -89,6 | |
| Selt úr skipi erlendis | 8 | 0 | 41 | 263 | 538,6 | |
| Fiskeldi | 15 | 16 | 44 | 41 | -8,1 | |
| Aðrar löndunartegundir | 56 | 89 | 396 | 484 | 22,3 | |
Þessar upplýsingar byggja á vigtar- og ráðstöfunarskýrslum sem Fiskistofa safnar frá fiskkaupendum. Fyrir árið 2009 er stuðst við bráðabirgðatölur en endanlegar tölur liggja að baki talna fyrir árið 2008 Athuganir benda til þess að endanlegar tölur séu að hámarki 1-2% hærri en bráðabirgðatölur þegar á heildina er litið en fyrir örfáar fisktegundir getur munurinn þó orðið meiri.