Landaður afli í júlí 2021 var rúm 87 þúsund tonn sem er 2% minni afli en í júlí 2020. Botnfiskafli var tæp 29 þúsund tonn, 9% minni en árið 2020. Af botnfisktegundum var þorskur um 18 þúsund tonn sem er 9% minni afli en í júlí 2020. Uppsjávarafli var 55,6 þúsund tonn í júlí og stóð í stað milli ára. Mest var veitt af makríl eða tæp 48 þúsund tonn..

Á 12 mánaða tímabilinu ágúst 2020 til júlí 2021 var heildaraflinn 1.074 þúsund tonn sem er 8% meiri afli en á sama tímabili árið áður. Á tímabilinu veiddust 277 þúsund tonn af botnfisktegundum og 562 þúsund tonn af uppsjávarfiski.

Afli í júlí 2021 metinn á föstu verðlagi lækkar um 3,4% frá júlí í fyrra. Magnvísitala hefur einnig verið leiðrétt fyrir fyrri mánuði ársins.

Upplýsingar um fiskafla sem birtast í þessari fréttatilkynningu eru bráðabirgðatölur. Þær byggjast á upplýsingum Fiskistofu sem berast frá löndunarhöfnum innanlands (Lóðs), útflytjendum afla og frá umboðsmönnum erlendis og er safnað af Fiskistofu.

Talnaefni

Nánari upplýsingar

Deila