Í lok 4. ársfjórðungs 2016 bjuggu 338.450 manns á Íslandi, 171.110 karlar og 167.330 konur. Landsmönnum fjölgaði um 840 á ársfjórðungnum. Á höfuðborgarsvæðinu bjuggu 216.940 manns en 121.500 utan þess.
| Mannfjöldi, fæðingar, andlát og búferlaflutningar á 4. ársfjórðungi 2016 | |||
| Alls | Karlar | Konur | |
| Mannfjöldinn í lok ársfjórðungs | 338.450 | 171.110 | 167.330 |
| Mannfjöldinn í upphafi ársfjórðungs | 337.610 | 170.510 | 167.100 |
| Breyting | 840 | 600 | 240 |
| Fæddir | 940 | 490 | 450 |
| Dánir | 590 | 300 | 290 |
| Aðfluttir umfram brottflutta | 470 | 410 | 70 |
| Aðfluttir | 2.750 | 1.710 | 1.040 |
| Brottfluttir | 2.280 | 1.300 | 980 |
| Allar tölur eru námundaðar að næsta tug ef mannfjöldinn er meiri en 50 en að næsta hálfa tug ef talan er lægri. Ekki er tryggt að tölur gangi upp í samtölur vegna námundunarinnar. | |||
Á 4. ársfjórðungi 2016 fæddust 940 börn, en 590 einstaklingar létust. Á sama tíma fluttust 470 einstaklingar til landsins umfram brottflutta, af þeim voru flestir á þrítugsaldri (160). Aðfluttir einstaklingar með íslenskt ríkisfang voru 60 umfram brottflutta og var aldurskipting þeirra nokkuð jöfn. Aðfluttir erlendir ríkisborgarar voru 410 fleiri en þeir sem fluttust frá landinu og voru 150 af þeim á þrítugsaldri.
| Búferlaflutningar eftir aldurshópum á 4. ársfjórðungi 2016 | |||||||||
| Alls | Íslenskir ríkisborgarar | Erlendir ríkisborgarar | |||||||
| Aðfluttir umfram brottflutta | Aðfluttir | Brottfluttir | Aðfluttir umfram brottflutta | Aðfluttir | Brottfluttir | Aðfluttir umfram brottflutta | Aðfluttir | Brottfluttir | |
| Alls | 470 | 2.750 | 2.280 | 60 | 640 | 570 | 410 | 2.110 | 1.700 |
| Yngri en 10 ára | 40 | 220 | 170 | 10 | 110 | 90 | 30 | 110 | 80 |
| 10-19 ára | 100 | 220 | 110 | 25 | 80 | 50 | 80 | 140 | 60 |
| 20-29 ára | 160 | 1.110 | 950 | 15 | 170 | 150 | 150 | 940 | 790 |
| 30-39 ára | 80 | 620 | 550 | 5 | 140 | 130 | 70 | 490 | 420 |
| 40-49 ára | 70 | 340 | 270 | 10 | 80 | 70 | 60 | 260 | 200 |
| 50-59 ára | 15 | 190 | 170 | -5 | 45 | 45 | 20 | 140 | 120 |
| 60 ára og eldri | 5 | 60 | 50 | 0 | 25 | 25 | 5 | 35 | 25 |
Danmörk var helsti áfangastaður brottfluttra íslenskra ríkisborgara en þangað fluttust 140 manns á 4. ársfjórðungi. Til Danmerkur, Noregs og Svíþjóðar fluttust 300 íslenskir ríkisborgarar af 570 alls. Af þeim 1.700 erlendu ríkisborgurum sem fluttust frá landinu fóru flestir til Póllands, 690 manns.
Flestir aðfluttir íslenskir ríkisborgarar komu frá Danmörku (210), Noregi (170) og Svíþjóð (70), samtals 450 manns af 640. Pólland var upprunaland flestra erlendra ríkisborgara en þaðan fluttust 800 til landsins af alls 2.110 erlendum innflytjendum. Litháen kom næst, en þaðan fluttust 210 erlendir ríkisborgarar til landsins. Í lok fjórða ársfjórðungs bjuggu 30.380 erlendir ríkisborgarar á Íslandi.