Áætlað heildarframleiðsluvirði landbúnaðarins fyrir árið 2018¹ var 62,7 milljarður á grunnverði, að meðtöldum vörustyrkjum en frátöldum vörusköttum², og lækkaði það um 0,1% á árinu. Lækkun framleiðsluvirðis má rekja til 3,3% minna framleiðslumagns og 3,3% verðhækkunar, samanborið við árið áður.

Virði afurða búfjárræktar er áætlað 42,2 milljarðar króna, þar af vörutengdir styrkir og skattar um 11,7 milljarðar króna. Virði afurða nytjaplönturæktar eru 16,3 milljarðar, þar af vörutengdir styrkir og skattar 651 milljónir króna. Aðfanganotkun landbúnaðarins í heild er áætluð 40,6 milljarðar árið 2018 og jókst hún um 0,6% frá fyrra ári. Breytingu á notkun aðfanga má rekja til 5,7% magnlækkunar og 6,8% hækkunar á verði.

Talnaefni

• Deildu fréttinni á Facebook
• Deildu fréttinni á Twitter
• Sendu fréttina með póst