Sveitarstjórnarkosningar fóru fram 14. maí 2022 og náðu til allra 64 sveitarfélaga landsins. Við kosningarnar voru alls 276.593 á kjörskrá eða 73,0% landsmanna. Af þeim greiddu 173.733 atkvæði eða 62,8% kjósenda.
Kosningaþátttaka kvenna var meiri en karla og var kosningaþátttaka breytileg eftir aldri, meiri á meðal eldri en yngri kjósenda. Þátttaka innflytjenda var 18,6% en hæst á meðal kosningabærra einstaklinga sem engan erlendan bakgrunn hafa eða 71,0%.
Við kosningarnar greiddu 23.950 manns atkvæði utan kjörfundar eða 13,8% en sambærilegt hlutfall var 12,2% í kosningunum 2018.
Sveitarstjórnarkosningar 14. maí 2022 — Hagtíðindi