Einkennandi greinar ferðaþjónustu
Velta í farþegaflutningum milli landa með flugi var 29% lægri í maí-júní 2019 en á sama tímabili 2018. Á þessu tímabili hættu tvö flugfélög starfsemi, Primera Air í október 2018 og WOW air í mars 2019. Þrátt fyrir mikinn samdrátt í flugi var velta í öðrum einkennandi greinum ferðaþjónustu nánast óbreytt milli ára, en lækkunin var einungis 0,2% frá maí-júní 2018 til sama tímabils 2019.
Velta í gistiþjónustu var svo til óbreytt milli ára (+0,1%), einnig velta í veitingarekstri (-0,2%). Smávægileg aukning (2,0%) var í veltu bílaleigubíla. Velta ferðaskrifstofa og ferðaskipuleggjenda breyttist lítið í heild ( 0,1%). Hjá ferðaskrifstofum sem selja ferðir erlendis minnkaði velta um 10,7% en hjá ferðaskrifstofum sem selja ferðir á Íslandi jókst velta um 2,0%.
Velta eykst í sjávarútvegi
Velta jókst mest í sjávarútvegi og tengdum greinum. Velta í sjávarútvegi var 11,4% meiri í maí-júní 2019 en á sama tímabili árið áður. Á sama tíma jókst velta í heild- og umboðsverslun með fisk um 13,6%.
Hægir á byggingageiranum
Nú hægir á byggingaframkvæmdum eftir mikinn vöxt undanfarin ár. Velta í byggingastarfsemi og mannvirkjagerð hækkaði um 0,8%.
| Virðisaukaskattsvelta (milljarðar króna) | ||||||
| Maí-júní 2018 | Maí-júní 2019 | Breyting, % | Júlí 2017-júní 2018 | Júlí 2018-júní 2019 | Breyting, % | |
| Alls án lyfjaframleiðslu¹ | 812 | 803 | -1,1 | 4.379 | 4.616 | 5,4 |
| Landbúnaður og skógrækt² | ... | ... | ... | 51 | ... | ... |
| A-03/C-102 Fiskveiðar, fiskeldi og vinnsla sjávarafurða | 59 | 66 | 11,4 | 349 | 391 | 12,1 |
| C-24 Framleiðsla málma | 44 | 39 | -11,4 | 236 | 256 | 8,7 |
| C Framleiðsla; án fiskvinnslu, lyfjaframleiðslu og framleiðslu málma | 77 | 73 | -5,7 | 417 | 431 | 3,3 |
| D/E Veitustarfsemi | 30 | 32 | 6,2 | 177 | 194 | 9,2 |
| F/B Byggingarstarfsemi, mannvirkjagerð, námugröftur og vinnsla hráefna úr jörðu | 63 | 63 | 0,8 | 338 | 364 | 7,6 |
| G-45 Sala og viðhald vélknúinna ökutækja | 35 | 30 | -15,1 | 170 | 153 | -10,0 |
| G-46171/G-46172/G-46381 Heild- og umboðsverslun með fisk | 37 | 42 | 13,6 | 214 | 251 | 17,0 |
| G-4671 Olíuverslun | 23 | 24 | 1,7 | 125 | 131 | 5,3 |
| G-46 Önnur heild- og umboðsverslun | 65 | 68 | 4,3 | 355 | 382 | 7,5 |
| G-47 Smásala | 82 | 85 | 4,1 | 468 | 486 | 3,9 |
| H Flutningar og geymsla | 95 | 76 | -19,5 | 488 | 458 | -6,1 |
| I Rekstur gististaða og veitingarekstur | 35 | 35 | 0,0 | 194 | 197 | 1,9 |
| J Upplýsingar og fjarskipti | 38 | 40 | 3,8 | 209 | 230 | 9,7 |
| N-7711 Leiga á bifreiðum og léttum vélknúnum ökutækjum | 10 | 10 | 2,0 | 50 | 51 | 1,7 |
| N-79 Ferðaskrifstofur og ferðaskipuleggjendur | 20 | 20 | -0,1 | 105 | 115 | 9,5 |
| Erlend fyrirtæki sem selja rafræna þjónustu til einstaklinga á Íslandi | 2 | 2 | 3,6 | 8 | 9 | 15,5 |
| Aðrar atvinnugreinar | 79 | 81 | 3,4 | 424 | 465 | 9,8 |
¹ Virðisaukaskattskyld velta er birt tímabundið án veltu í lyfjaframleiðslu þar sem verið er að yfirfara og sannreyna gögn í þeirri atvinnugrein.
² Margir bændur skila virðisaukaskattskýrslu hálfsárslega og hafa lengri skilafrest en aðrir. Því eru ekki komnar áreiðanlegar tölur um veltu í landbúnaði og skógrækt fyrri hluta árs 2019.
Endurskoðun hagtalna
Tölur um veltu skv. virðisaukaskattskýrslum eru bráðabirgðatölur. Við birtingu fréttar 2. júlí sl. var velta í virðisaukaskattskyldri starfsemi, að frátalinni lyfjaframleiðslu, talin vera 722,1 milljarður króna í mars og apríl 2019, sem var 3,9% hækkun frá sömu mánuðum árið 2018. Nú hafa nýrri tölur borist og velta á þessu tímabili er talin vera 724,9 milljarðar, sem er 4,2% hækkun milli ára. Fjallað er um endurskoðun birtra hagtalna í lýsigögnum. Einnig er birt töluleg samantekt á því hvernig nokkrir undirflokkar breytast við endurskoðun birtra hagtalna.
Aðrar hagtölur um svipað efni
Hagstofa Íslands gefur árlega út rekstrar- og efnahagsyfirlit fyrirtækja eftir atvinnugreinum sem byggjast á skattframtölum og gefa ítarlega mynd af stöðu einstakra atvinnugreina.
Talnaefni
Einkennandi greinar ferðaþjónustu
Allar atvinnugreinar