Nýskráningar einkahlutafélaga í desember 2016 voru 200. Árið 2016 fjölgaði nýskráningum einkahlutafélaga um 13% frá fyrra ári. Alls voru 2.666 ný einkahlutafélög skráð á árinu, borið saman við 2.368 árið 2015. Hlutfallsleg fjölgun nýskráninga var mest í leigustarfsemi og ýmissi sérhæfðri þjónustu, þar sem þeim fjölgaði úr 176 í 272, eða um 55% frá fyrra ári. Einnig má nefna að nýskráningum í flutningum og geymslu fjölgaði árið 2016 úr 46 í 60 (30%). Nýskráningum fækkaði í rekstri gististaða og veitingarekstri um 5% frá fyrra ári (úr 169 í 161).
Ef skoðuð er skipting á nýskráningum einkahlutafélaga og hlutafélaga milli landshluta árið 2016 sést að þeim fjölgaði hlutfallslega mest á Austurlandi, þar sem 71 félag var nýskráð árið 2016, borið saman við 52 nýskráningar árið 2015 (37%). Nýskráningum fjölgaði í öllum landshlutum frá 2015 til 2016 nema á Norðurlandi vestra, þar sem fjöldinn stóð í stað milli ára (32 nýskráningar hvort ár).
Í desember 2016 voru 29 fyrirtæki tekin til gjaldþrotaskipta. Gjaldþrotabeiðnum fyrirtækja árið 2016 fjölgaði um 75% frá fyrra ári. Alls voru 1.027 fyrirtæki tekin til gjaldþrotaskipta á árinu, borið saman við 588 árið 2015. Í þessu samhengi má nefna að vegna verkfalls lögfræðinga sem stóð frá apríl til desember 2015 má vera að einhver hluti þeirra gjaldþrota sem skráð voru árið 2016 hafi í raun átt sér stað 2015, en erfitt er að leggja mat á hversu stór partur af aukningunni milli ára liggur í þeirri skýringu. Árið 2016 fjölgaði gjaldþrotum hlutfallslega mest í fjármála- og vátryggingastarfsemi, þar sem þeim fjölgaði úr 33 í 94 frá fyrra ári (185%). Einnig má nefna að milli áranna 2015 og 2016 fjölgaði gjaldþrotum í upplýsingum og fjarskiptum úr 28 í 63 (125%) og í sérfræðilegri, vísindalegri og tæknilegri starfsemi úr 46 í 98 (113%). Gjaldþrotum fjölgaði í öllum helstu atvinnugreinabálkum frá fyrra ári, en þeim fjölgaði hvað hægast í flutningum og geymslu, úr 18 í 22 (22%).
Ef skipting gjaldþrota árið 2016 er skoðuð eftir landshlutum sést að gjaldþrotum fjölgaði allnokkuð milli áranna 2015 og 2016 á höfuðborgarsvæðinu (úr 426 í 877; 106%), Vesturlandi (úr 16 í 34; 113%) og Vestfjörðum (úr 5 í 13; 160%), á meðan þeim fækkaði á milli ára á Suðurnesjum (úr 49 í 27; 45%), Austurlandi (úr 11 í 8; 27%) og Suðurlandi (úr 63 í 47; 25%).
Nýskráningar og gjaldþrot | ||||||
Desember | Janúar–desember | |||||
2015 | 2016 | % | 2015 | 2016 | % | |
Nýskráningar ehf. | ||||||
Alls | 222 | 200 | -10 | 2.368 | 2.666 | 13 |
A Landbúnaður, skógrækt og fiskveiðar | 9 | 2 | -78 | 87 | 92 | 6 |
C Framleiðsla | 4 | 9 | 125 | 91 | 104 | 14 |
F Byggingarstarfsemi og mannvirkjagerð | 32 | 23 | -28 | 292 | 346 | 18 |
G Heild- og smásöluverslun, viðgerðir á vélknúnum ökutækjum | 13 | 16 | 23 | 272 | 274 | 1 |
H Flutningar og geymsla | 4 | 3 | -25 | 46 | 60 | 30 |
I Rekstur gististaða og veitingarekstur | 18 | 9 | -50 | 169 | 161 | -5 |
J Upplýsingar og fjarskipti | 13 | 6 | -54 | 171 | 195 | 14 |
K Fjármála- og vátryggingastarfsemi | 45 | 46 | 2 | 357 | 372 | 4 |
L Fasteignaviðskipti | 27 | 37 | 37 | 352 | 414 | 18 |
M Sérfræðileg, vísindaleg og tæknileg starfsemi | 23 | 24 | 4 | 223 | 235 | 5 |
N Leigustarfsemi og ýmis sérhæfð þjónusta | 19 | 17 | -11 | 176 | 272 | 55 |
Aðrar atvinnugreinar | 15 | 8 | -47 | 132 | 141 | 7 |
Gjaldþrot | ||||||
Alls | 18 | 29 | 61 | 588 | 1.027 | 75 |
A Landbúnaður, skógrækt og fiskveiðar | 0 | 1 | - | 21 | 29 | 38 |
C Framleiðsla | 1 | 0 | -100 | 39 | 55 | 41 |
F Byggingarstarfsemi og mannvirkjagerð | 2 | 5 | 150 | 121 | 179 | 48 |
G Heild- og smásöluverslun, viðgerðir á vélknúnum ökutækjum | 6 | 6 | 0 | 106 | 203 | 92 |
H Flutningar og geymsla | 0 | 0 | - | 18 | 22 | 22 |
I Rekstur gististaða og veitingarekstur | 1 | 1 | 0 | 41 | 59 | 44 |
J Upplýsingar og fjarskipti | 0 | 0 | - | 28 | 63 | 125 |
K Fjármála- og vátryggingastarfsemi | 2 | 3 | 50 | 33 | 94 | 185 |
L Fasteignaviðskipti | 2 | 3 | 50 | 74 | 103 | 39 |
M Sérfræðileg, vísindaleg og tæknileg starfsemi | 3 | 4 | 33 | 46 | 98 | 113 |
N Leigustarfsemi og ýmis sérhæfð þjónusta | 0 | 4 | - | 30 | 58 | 93 |
Aðrar atvinnugreinar | 1 | 2 | 100 | 31 | 64 | 106 |
Talnaefni:
Fyrirtæki
Gjaldþrot