Tekjur af erlendum ferðamönnum á öðrum ársfjórðungi 2021 námu 30 milljörðum króna samanborið við 7,8 milljarða á sama tímabili árið á undan. Á tólf mánaða tímabili frá júlí 2020 til júní 2021 voru tekjur af erlendum ferðamönnum 79,1 milljarður króna samanborið við 333 milljarða á tólf mánaða tímabili ári fyrr.

Velta í einkennandi greinum ferðaþjónustu á Íslandi var 55,5 milljarðar króna í maí til júní 2021 samkvæmt virðisaukaskattskýrslum sem er 49% meiri velta en á sama tímabili á síðasta ári.

Í ágúst voru 172.415 brottfarir farþega frá Keflavíkurflugvelli í samanburði við 71.729 í ágúst 2020. Brottfarir farþega með erlent ríkisfang voru 151.847 samanborið við 63.762 í ágúst í fyrra.

Áætlaðar gistinætur á hótelum í ágúst voru um 413 þúsund sem er 134% aukning borið saman við ágúst 2020 þegar gistinætur á hótelum voru 176.711. Gistinætur Íslendinga voru 65.500, eða 50% færri en í ágúst 2020 og gistinætur erlendra gesta 347.800, en voru 44.523 í sama mánuði í fyrra eða hafa næstum því sjöfaldast.

Í þessari útgáfu skammtímahagvísa ferðaþjónustu eru birtar uppfærðar tölur um gistinætur, þjónustuviðskipti við útlönd, fjölda starfandi skv. skrám, skráningar bílaleigubíla frá Samgöngustofu, umferð frá Vegagerðinni og fjölda farþega frá Ferðamálastofu út frá þjóðernum auk talna um fjölda farþega frá ISAVIA.

Taflan á pdf

¹ Gisting greidd í gegnum vefsíður á borð við Airbnb og óskráðar gistinætur ekki meðtaldar í samtölum yfir 12 mánaða tímabil.
² Aðrar tegundir skráðra gististaða eru tjaldsvæði, farfuglaheimili, orlofshús, skálar í óbyggðum, íbúðagisting, svefnpokagististaðir og heimagististaðir.
³ Ferðaskrifstofur og skipuleggjendur (erlendis): Þjónusta sem veitt er í sambandi við ferðalög erlendis, þ.e. er undanþegin virðisaukaskatti skv. 12. grein laga um virðisaukaskatt (nr. 50/1988). Ferðaskrifstofur og skipuleggjendur (á Íslandi): Þjónusta sem veitt er í sambandi við ferðalög á Íslandi, þ.e. er ekki undanþegin virðisaukaskatti skv. 12. grein laga um virðisaukaskatt (nr. 50/1988).
⁴ Skv. gögnum frá Samgöngustofu. Fjöldi er tekin fyrsta virka dag hvers mánaðar.
⁵ Skv. talningu frá Vegagerðinni í gegnum 14 lykilteljara á hringveginum. Mánaðartölur sýna meðalfjölda talninga á dag í hverjum mánuði. Árstímabil sýnir heildartalningar yfir árið.
⁶ Skv. gögnum frá Ferðamálastofu.
⁷ Skv. gögnum frá ISAVIA, farþegahreyfingar telja brottfarir, komur og skiptifarþega sem eru tvítaldir.

Talanefni

Nánari upplýsingar

Deila