Gistinætur á hótelum í júlí voru 299.300 sem er 5% aukning miðað við júlí 2013. Gistinætur erlendra gesta voru 91% af heildarfjölda gistinátta í mánuðinum en þeim fjölgaði um 6% frá sama tíma í fyrra á meðan gistinóttum Íslendinga fækkaði um 2%.
Flestar gistinætur voru á höfuðborgarsvæðinu um 164.100 sem er 2% aukning miðað við júlí 2013. Næst flestar eru gistinætur á Suðurlandi eða um 50.600 og er aukningin þar um 16% á gistinóttum milli ára fyrir júlímánuð. Þau þjóðerni sem gistu flestar gistinætur í júlí eru Þjóðverjar tæplega 60.000 gistinætur, Bandaríkjamenn um 43.400 gistinætur og Bretar um 25. 400 gistinætur.
Nýting herbergja og rúma á hótelum í júlí 2014
Núna er hægt að fylgjast með mánaðarlegri herbergjanýtingu og rúmanýtingu heilsárshótela eftir landsvæðum á heimasíðu Hagstofunnar. Í júlímánuði var hæsta nýting herbergja á Austurlandi 98,2%, þar á eftir var nýting herbergja á Vesturlandi og Vestfjörðum er um 95,1%.
Gistinætur á hótelum | ||||||
Júlí | Ágúst - júlí | |||||
2013 | 2014 | % | 2012-2013 | 2013-2014 | % | |
Alls | 285.435 | 299.333 | 5 | 1.955.864 | 2.188.148 | 12 |
Höfuðborgarsvæði | 160.998 | 164.141 | 2 | 1.332.899 | 1.486.421 | 12 |
Suðurnes | 14.135 | 14.872 | 5 | 84.711 | 99.122 | 17 |
Vesturland og Vestfirðir | 17.669 | 19.528 | 11 | 78.895 | 92.281 | 17 |
Norðurland | 30.530 | 31.321 | 3 | 154.654 | 164.796 | 7 |
Austurland | 18.469 | 18.858 | 2 | 86.440 | 79.802 | -8 |
Suðurland | 43.634 | 50.613 | 16 | 218.265 | 265.726 | 22 |
Íslendingar | 26.331 | 25.761 | -2 | 324.676 | 347.029 | 7 |
Erlendir gestir | 259.104 | 273.572 | 6 | 1.631.188 | 1.841.119 | 13 |
Athygli skal vakin á því að hér er eingöngu átt við gistinætur á hótelum sem opin eru allt árið. Til þessa flokks gististaða teljast hvorki gistiheimili né hótel sem eingöngu eru opin yfir sumartímann.
Talnaefni