Gistinætur á hótelum í apríl voru 174.300 sem er 11% aukning miðað við apríl 2014. Gistinætur erlendra gesta voru 83% af heildarfjölda gistinátta í mánuðinum en þeim fjölgaði um 16% frá sama tíma í fyrra á meðan gistinóttum Íslendinga fækkar um 10% milli ára.
Flestar gistinætur á hótelum í apríl voru á höfuðborgarsvæðinu eða 122.800 sem er 5% aukning miðað við apríl 2014. Næst flestar voru gistinætur á Suðurlandi eða um 22.800. Erlendir gestir með flestar gistinætur í apríl voru; Bretar 35.800, Bandaríkjamenn með 22.700, og Þjóðverjar með 13.700 gistinætur.
Á tólf mánaða tímabili maí 2014 til apríl 2015 voru gistinætur á hótelum 2.427.000 sem er fjölgun um 13% miðað við sama tímabil ári fyrr.
| Gistinætur á hótelum | ||||||
| Apríl | Maí - Apríl | |||||
| 2014 | 2015 | % | 2013-2014 | 2014-2015 | % | |
| Alls | 157.418 | 174.323 | 11 | 2.144.798 | 2.426.957 | 13 |
| Höfuðborgarsvæði | 116.439 | 122.814 | 5 | 1.467.814 | 1.624.023 | 11 |
| Suðurnes | 6.480 | 8.956 | 38 | 94.214 | 118.045 | 25 |
| Vesturland og Vestfirðir | 4.405 | 5.975 | 36 | 88.887 | 105.787 | 19 |
| Norðurland | 10.505 | 10.299 | -2 | 162.381 | 167.242 | 3 |
| Austurland | 2.513 | 3.478 | 38 | 85.416 | 78.415 | -8 |
| Suðurland | 17.076 | 22.801 | 34 | 246.086 | 333.445 | 35 |
| Íslendingar | 32.935 | 29.532 | -10 | 348.026 | 333.767 | -4 |
| Erlendir gestir | 124.483 | 144.791 | 16 | 1.796.772 | 2.093.190 | 16 |
54,5% nýting herbergja á hótelum í apríl 2015
Nýting herbergja í apríl var best á höfuðborgarsvæðinu eða um 71%. Á Suðurnesjum var herbergjanýting um 56%.
Athygli skal vakin á því að hér er eingöngu átt við gistinætur á hótelum sem opin eru allt árið. Til þessa flokks gististaða teljast hvorki gistiheimili né hótel sem eingöngu eru opin yfir sumartímann.