Gistinætur á hótelum í september voru 253.000 sem er 27% aukning miðað við september 2014. Gistinætur erlendra gesta voru 89% af heildarfjölda gistinátta í mánuðinum en þeim fjölgaði um 36% frá sama tíma í fyrra á meðan gistinóttum Íslendinga fækkaði um 15%.

Flestar gistinætur á hótelum í september voru á höfuðborgarsvæðinu eða 152.400 sem er 22% aukning miðað við september 2014. Næst flestar voru gistinætur á Suðurlandi eða um 39.100. Erlendir gestir með flestar gistinætur í september voru; Bandaríkjamenn með 56.100, Þjóðverjar með 33.600 og Bretar með 29.200 gistinætur.

Á tólf mánaða tímabili október 2014 til september 2015 voru gistinætur á hótelum 2.661.140 sem er fjölgun um 19% miðað við sama tímabil ári fyrr.

68% nýting herbergja á hótelum í september 2015
Nýting herbergja var best á höfuðborgarsvæðinu í september eða um 75%.

Athygli skal vakin á því að hér er eingöngu átt við gistinætur á hótelum sem opin eru allt árið. Til þessa flokks gististaða teljast hvorki gistiheimili né hótel sem eingöngu eru opin yfir sumartímann.

Talnaefni