Gistinætur á hótelum í október voru 332.600 sem er 37% aukning miðað við október 2015. Gistinætur erlendra gesta voru 88% af heildarfjölda gistinátta í mánuðinum en þeim fjölgaði um 38% frá sama tíma í fyrra á meðan gistinóttum Íslendinga fjölgaði um 27%.
Flestar gistinætur á hótelum í október voru á höfuðborgarsvæðinu eða 210.100 sem er 26% aukning miðað við október 2015. Um 63% allra gistinátta voru á höfuðborgarsvæðinu. Næstflestar voru gistinætur á Suðurlandi eða um 49.900. Erlendir gestir með flestar gistinætur í október voru Bandaríkjamenn með 81.000, Bretar með 79.200 gistinætur og Þjóðverjar með 23.400, en íslenskar gistinætur í október voru 38.600.
Á tólf mánaða tímabili frá nóvember 2015 til október 2016 voru gistinætur á hótelum 3.600.400 sem er 30% aukning miðað við sama tímabil árið áður og 2,5% aukning frá fyrri mánuði á gistinóttum yfir 12 mánaða tímabil.
71,2% nýting herbergja á hótelum í október 2016
Herbergjanýting í október 2016 var 71,2%, sem er aukning um 10,4 prósentustig frá október 2015, þegar hún var 60,8%. Nýtingin var best á Suðurnesjum, eða um 86,3%. Herbergjanýting á höfuðborgarsvæðinu var 85,2%.
Gistinætur á hótelum | ||||||
Október | Nóvember - október | |||||
2015 | 2016 | % | 2014-2015 | 2015-2016 | % | |
Alls | 242.985 | 332.591 | 37 | 2.771.562 | 3.600.395 | 30 |
Höfuðborgarsvæði | 167.162 | 210.137 | 26 | 1.791.530 | 2.289.090 | 28 |
Suðurnes | 13.380 | 24.290 | 82 | 142.862 | 187.302 | 31 |
Vesturland og Vestfirðir | 8.311 | 10.852 | 31 | 123.007 | 166.195 | 35 |
Norðurland | 12.311 | 22.676 | 84 | 186.268 | 277.283 | 49 |
Austurland | 6.827 | 14.707 | 115 | 121.960 | 174.500 | 43 |
Suðurland | 34.994 | 49.929 | 43 | 405.935 | 506.025 | 25 |
Íslendingar | 30.437 | 38.626 | 27 | 325.092 | 377.132 | 16 |
Erlendir gestir | 212.548 | 293.965 | 38 | 2.446.470 | 3.223.263 | 32 |
Athygli skal vakin á því að hér er eingöngu átt við gistinætur á hótelum sem opin eru allt árið. Til þessa flokks gististaða teljast hvorki gistiheimili né hótel sem eingöngu eru opin yfir sumartímann. Vegna bættrar flokkunar gististaða í gistináttagrunni Hagstofunnar hafa orðið smávægilegar breytingar á tölulegum upplýsingum um gistinætur á hótelum sem ná aftur til upphafs ársins 2016. Töflur á vef Hagstofunnar hafa verið leiðréttar til samræmis við þetta.