Gistinætur á hótelum í júlí voru 466.100 sem er 2% aukning miðað við júlí 2016. Um 53% allra gistinátta voru á höfuðborgarsvæðinu eða 246.600, sem er 1% aukning miðað við júlí 2016. Gistinætur á Suðurnesjum voru 35.200, sem er 63% aukning frá fyrra ári, en einnig var 6% aukning á Suðurlandi, þar sem gistinætur voru 92.400. Gistinætur á Vesturlandi og Vestfjörðum voru 26.700 sem er fækkun um 14%, en einnig fækkaði gistinóttum um 9% á Norðurlandi og 7% á Austurlandi borið saman við júlí 2016.
Flestar gistinætur í júlí áttu Bandaríkjamenn með 126.600, svo Þjóðverjar með 74.400 og Bretar með 34.700, en íslenskar gistinætur í júlí voru 37.700. Gistinætur erlendra gesta voru 92% af heildarfjölda gistinátta í mánuðinum, en þeim fjölgaði um 1% frá sama tíma í fyrra á meðan gistinóttum Íslendinga fjölgaði um 13%.
Á tólf mánaða tímabili frá ágúst 2016 til júlí 2017 var heildarfjöldi gistinátta á hótelum 4.189.000 sem er 24% aukning miðað við sama tímabil árið áður.
90% nýting herbergja á hótelum í júlí 2017
Herbergjanýting í júlí 2017 var 89,7%, sem er lækkun um tvö prósentustig frá júlí 2016 þegar hún var 91,7%. Á sama tíma hefur framboð gistirýmis aukist um 6,4%, mælt í fjölda herbergja. Nýtingin var best á höfuðborgarsvæðinu, eða um 92,7%.
Gistinætur á hótelum | ||||||
Júlí | Ágúst–júlí | |||||
2016 | 2017 | % | 2015–2016 | 2016–2017 | % | |
Alls | 455.514 | 466.075 | 2 | 3.365.582 | 4.188.783 | 24 |
Höfuðborgarsvæði | 244.777 | 246.615 | 1 | 2.178.631 | 2.584.041 | 19 |
Suðurnes | 21.573 | 35.230 | 63 | 160.334 | 283.167 | 77 |
Vesturland og Vestfirðir | 31.135 | 26.739 | -14 | 150.678 | 177.639 | 18 |
Norðurland | 48.331 | 44.054 | -9 | 238.816 | 291.019 | 22 |
Austurland | 22.751 | 21.067 | -7 | 93.484 | 107.776 | 15 |
Suðurland | 86.947 | 92.370 | 6 | 543.639 | 745.141 | 37 |
Íslendingar | 33.494 | 37.746 | 13 | 361.562 | 434.212 | 20 |
Erlendir gestir | 422.020 | 428.329 | 1 | 3.004.020 | 3.754.571 | 25 |
Athygli skal vakin á því að hér er eingöngu átt við gistinætur á hótelum sem opin eru allt árið. Til þessa flokks gististaða teljast hvorki gistiheimili né hótel sem eingöngu eru opin yfir sumartímann.
Tölur fyrir 2017 eru bráðabirgðatölur. Um þessar mundir fer fram vinna við endurskoðun á skiptingu gistinátta eftir þjóðernum ferðamanna. Þessi vinna hefur ekki áhrif á heildarfjölda gistinátta, en gæti haft áhrif á hlutfall milli erlendra og innlendra ferðamanna. Stefnt er á að ljúka þessari vinnu fyrir útgáfu endanlegra talna fyrir gistinætur á öllum tegundum gististaða fyrir árið 2017.