Gistinætur það sem af er ári eru 7.144.400 og hafa þær aldrei verið fleiri. Þetta er um 2% aukning frá árinu 2018 þegar þær voru 6.990.300.
Gistinætur á skráðum gististöðum voru um 853.500 í september síðastliðnum og er það aukning um 27% frá fyrra ári. Gistinætur erlendra ferðamanna voru um 81% gistinátta, eða um 853.500, sem er 37% aukning frá fyrra ári (503.700). Gistinætur Íslendinga voru um 161.000 sem er 4% samdráttur frá fyrra ári. Gistinætur á hótelum og gistiheimilum voru um 647.300, þar af 494.100 á hótelum og um 206.200 á öðrum tegundum skráðra gististaða (íbúðagisting, orlofshús, tjaldsvæði o.s.frv.).
Gistinætur á hótelum í september voru 494.100 og jókst hótelgisting í öllum landshlutum samanborið við september 2021. Gistinætur erlendra ferðamanna voru 400.900, eða 81% af hótelgistinóttum, á meðan gistinætur Íslendinga voru 93.200 (19%). Gistinóttum erlendra ferðamanna fjölgaði um 49% á meðan þeim fækkaði um 1% hjá Íslendingum.
Á tólf mánaða tímabili, frá október 2021 til september 2022, var heildarfjöldi gistinátta á hótelum um 4.374.700 sem er tæplega þrefalt meira en á sama tímabili árið áður. Aukning var í öllum landshlutum á þessu tímabili.
Framboð hótelherbergja í september jókst um 8% frá september 2021. Herbergjanýting á hótelum var 78,7% og jókst um 15,2 prósentustig frá fyrra ári.
Lýsigögn
Gistináttatölur fyrir hótel koma úr gistináttagrunni Hagstofu Íslands. Lýsigögn um fjölda gististaða, gesta og gistinátta má nálgast á vef Hagstofunnar.
Allar tölur fyrir 2022 eru bráðabirgðatölur nema gistináttatölur hótela þar sem bráðabirgðatölur eru fyrir september 2022. Áætlun fyrir aðrar tegundir gististaða en hótel er um þessar mundir háð meiri óvissu en vanalega fyrir tilstilli örra breytinga á framboði og nýtingu og því er rétt að taka þeim tölum með sérstökum fyrirvara þar til endanlegar tölur liggja fyrir.