Í febrúar 2024 voru 8.200 atvinnulausir samkvæmt árstíðaleiðréttum niðurstöðum vinnumarkaðsrannsóknar Hagstofunnar. Árstíðaleiðrétt hlutfall atvinnulausra var 3,5%, hlutfall starfandi var 78,4% og atvinnuþátttaka 81,3%. Árstíðaleiðrétt atvinnuleysi minnkaði um 0,7 prósentustig á milli mánaða á sama tíma og hlutfall starfandi jókst um 0,6 prósentustig en atvinnuþátttaka stóð nánast í stað.
Breytt aðferð og mat á íbúafjölda á Íslandi sýnir að nokkur þörf er á að endurskoða áætlaðan mannfjölda í Vinnumarkaðsrannsókn Hagstofunnar (vogir rannsóknarinnar). Því ber að líta á þær tölur sem birtar hafa verið fyrir árið 2024 sem bráðabirgðatölur.