Hagstofa Íslands safnar mánaðarlega upplýsingum frá gististöðum og vinnur tölfræði um framboð og nýtingu, fjölda gestakoma og gistinátta eftir tegund gististaða, landssvæðum og þjóðernum gesta. Skammtímatölur yfir veltu og starfsmannafjölda í einkennandi ferðaþjónustugreinum byggja á upplýsingum úr staðgreiðsluskrá og virðisaukaskattskrá. Ferðaþjónustureikningar (TSA) eru unnir samhliða þjóðhagsreikningum og eru uppfærðir árlega.