ÍSAT2008

Hinn 1. janúar 2008 tók gildi ný atvinnugreinaflokkun á Íslandi, ÍSAT2008. Flokkunin er byggð á nýrri atvinnugreinaflokkun Evrópusambandsins, NACE Rev. 2, sem gildir í öllum ríkjum Evrópska efnahagssvæðisins. Nýju flokkuninni er nú beitt í fyrirtækjaskrá ríkisskattstjóra og í opinberri hagskýrslugerð af Hagstofu Íslands.

Gildistaka hins nýja flokkunarkerfis er lögbundin samkvæmt samningnum um Evrópska efnahagssvæðið. Atvinnugreinaflokkun er meðal mikilvægustu flokkunarkerfa í hagskýrslugerð, þar sem samræmt flokkunarkerfi tryggir samanburðarhæfni á hagstærðum atvinnulífsins milli þjóða. Öllum lögskráðum félögum og einstaklingum í atvinnurekstri ber samkvæmt því að  hafa skráða starfsemi samkvæmt ÍSAT2008 í fyrirtækjaskrá frá og með 1. janúar 2008.

ÍSAT2008 leysir af hólmi ÍSAT95 frá árinu 1995. Uppbygging flokkunarkerfisins er í grunninn óbreytt þar sem fyrstu fjórir stafirnir eru í samræmi við NACE og fimmti stafur notaður þar sem talin er þörf á meiri sundurgreiningu en NACE flokkunarkerfið býður uppá. Þar sem NACE Rev. 2 er töluvert ýtarlegra en fyrri útgáfa fækkar séríslenskum undirgreinum nú frá því sem var í ÍSAT95.

ÍSAT2008
	Formáli
	Efnisyfirlit
	Inngangur
Bálkur A	Landbúnaður, skógrækt og fiskveiðar
Bálkur B	Námugröftur og vinnsla hráefna úr jörðu
Bálkur C	Framleiðsla
Bálkur D	Rafmagns-, gas- og hitaveitur
Bálkur E	Vatnsveita, fráveita, meðhöndlun úrgangs og afmengun
Bálkur F	Byggingarstarfsemi og mannvirkjagerð
Bálkur G	Heild- og smásöluverslun, viðgerðir á vélknúnum ökutækjum og bifhjólum
Bálkur H	Flutningar og geymsla
Bálkur I	Rekstur gististaða og veitingarekstur
Bálkur J	Upplýsingar og fjarskipti
Bálkur K	Fjármála- og vátryggingastarfsemi
Bálkur L	Fasteignaviðskipti
Bálkur M	Sérfræðileg, vísindaleg og tæknileg starfsemi
Bálkur N	Leigustarfsemi og ýmis sérhæfð þjónusta
Bálkur O	Opinber stjórnsýsla og varnarmál; almannatryggingar
Bálkur P	Fræðslustarfsemi
Bálkur Q	Heilbrigðis- og félagsþjónusta
Bálkur R	Menningar-, íþrótta- og tómstundastarfsemi
Bálkur S	Félagasamtök og önnur þjónustustarfsemi
Bálkur T	Atvinnurekstur innan heimilis, þjónustustarfsemi og framleiðsla á ýmis konar vöru á heimilum til eigin nota
Bálkur U	Starfsemi stofnana og samtaka með úrlendisrétt
	Viðauki
	Atriðisorðaskrá

ÍSAT2008 - Yfirlitstöflur 
Leitarvél ÍSAT2008 – Hér er hægt að leita í ÍSAT2008 eftir leitarorði eða atvinnugreinarnúmeri
Leitarvél ÍSAT95 – Hér er hægt að leita í ÍSAT95 eftir leitarorði eða atvinnugreinarnúmeri
ÍSAT2008 í MS Access gagnagrunni, búið er að pakka þessu sem ZIP skrá
NACE Rev.2 (pdf)

Ef einhverjar spurningar vakna um endurskoðun íslenskrar atvinnugreinaflokkunar og nýtt ÍSAT2008 flokkunarkerfi, þá vinsamlegast sendið tölvupóst á isat