Heildarlaunakostnaður lækkaði um 1,6% í byggingarstarfsemi og mannvirkjagerð, 1,4% í iðnaði og 1,0% í verslun og ýmissi viðgerðarþjónustu frá fyrri ársfjórðungi. Á sama tímabili hækkaði heildarlaunakostnaður um 0,7% í samgöngum og flutningum.
Þegar horft er til heildarlaunakostnaðar án óreglulegra greiðslna voru hækkanir á bilinu 0,1% til 5,9%. Mest var hækkun launakostnaðar í atvinnugreininni samgöngur og flutningar en minnst í byggingarstarfsemi og mannvirkjagerð. Vísitala heildarlaunakostnaðar án óreglulegra greiðslna er frábrugðin vísitölu heildarlaunakostnaðar að því leyti að aðeins er tekið tillit til greiðslna sem gerðar eru upp á hverju útborgunartímabili. Greiðslur svo sem desemberuppbót og orlofsgreiðslur reiknast því ekki í vísitölu heildarlaunakostnaðar án óreglulegra greiðslna.
Árshækkun heildarlaunakostnaðar frá fyrsta ársfjórðungi 2007 var mest í verslun og ýmissi viðgerðarþjónustu, 8,4%, en minnst í byggingarstarfsemi og mannvirkjagerð, 1,3%. Á sama tímabili hækkaði heildarlaunakostnaður um 5,0% í iðnaði og 7,1% í samgöngum og flutningum.
Á fyrsta ársfjórðungi 2008 var skrifað undir kjarasamninga milli Samtaka atvinnulífsins og landssambanda og stærstu aðildarfélaga Alþýðusambands Íslands. Á tímabilinu voru einnig undirritaðir fleiri sérkjarasamningar. Hluti nýrra samninga kom til framkvæmda undir lok fyrsta ársfjórðungs 2008. Þeir samningar sem voru í gildi um áramót kváðu almennt á um hækkun launa í ársbyrjun.
Vísitala launakostnaðar, sem gefin er út ársfjórðungslega, sýnir breytingar á launakostnaði á vinnustund. Vísitalan er kostnaðarvísitala sem ekki er leiðrétt fyrir breytingum í samsetningu vinnuafls og vinnustunda. Breytingar á vísitölu launakostnaðar geta því endurspeglað verðbreytingu vinnustundar, breytt hlutfall yfirvinnustunda, breytt hlutfall vinnuafls með há/lág laun eða samspil umræddra þátta.
| Vísitala launakostnaðar eftir atvinnugrein, breyting frá fyrri ársfjórðungi | |||||||||
| % | 2006 | 2007 | 2008 | ||||||
| 1. ársfj. | 2. ársfj. | 3. ársfj. | 4. ársfj. | 1. ársfj. | 2. ársfj. | 3. ársfj. | 4. ársfj. | 1. ársfj. | |
| Iðnaður | |||||||||
| Heildarlaunakostnaður | -3,9 | 1,8 | 3,6 | 8,0 | -0,4 | -0,1 | 0,5 | 6,2 | -1,4 |
| – án óreglulegra greiðslna | 2,2 | 0,3 | 5,0 | 3,5 | 4,6 | -1,5 | 1,6 | 2,2 | 2,3 |
| Heildarlaun | -4,3 | 1,9 | 3,3 | 8,2 | -0,7 | -0,1 | 0,3 | 6,3 | -1,2 |
| Annar launakostn. en laun | -2,0 | 1,3 | 4,9 | 7,0 | 1,2 | -0,4 | 1,4 | 5,7 | -2,4 |
| Byggingarstarfsemi | |||||||||
| Heildarlaunakostnaður | 2,4 | -1,8 | -0,9 | 8,4 | 2,1 | -2,7 | -1,9 | 7,8 | -1,6 |
| – án óreglulegra greiðslna | 5,7 | -2,3 | -0,5 | 6,4 | 4,6 | -3,4 | -1,3 | 6,0 | 0,1 |
| Heildarlaun | 2,2 | -1,8 | -0,6 | 8,4 | 1,6 | -2,8 | -1,6 | 7,4 | -1,5 |
| Annar launakostn. en laun | 3,6 | -1,8 | -2,5 | 8,5 | 4,7 | -1,9 | -3,4 | 9,9 | -2,4 |
| Verslun og viðgerðarþjónusta | |||||||||
| Heildarlaunakostnaður | -3,4 | -1,7 | -1,2 | 9,0 | -1,7 | 0,7 | -0,7 | 9,6 | -1,0 |
| – án óreglulegra greiðslna | 1,1 | -1,0 | -0,4 | 4,1 | 3,8 | -0,8 | -0,2 | 6,2 | 2,4 |
| Heildarlaun | -3,6 | -1,6 | -1,4 | 9,6 | -2,2 | 0,7 | -0,7 | 9,7 | -1,0 |
| Annar launakostn. en laun | -2,4 | -2,2 | -0,6 | 6,1 | 1,3 | 0,5 | -0,7 | 8,8 | -1,2 |
| Samgöngur og flutningar | |||||||||
| Heildarlaunakostnaður | -4,3 | 1,7 | 1,1 | 9,3 | -0,9 | -1,9 | -0,7 | 9,3 | 0,7 |
| – án óreglulegra greiðslna | 4,3 | -0,2 | 2,6 | 2,3 | 5,4 | -2,3 | 0,7 | 3,4 | 5,9 |
| Heildarlaun | -4,8 | 1,7 | 1,1 | 9,7 | -1,3 | -1,8 | -1,0 | 9,3 | 0,5 |
| Annar launakostn. en laun | -1,6 | 1,7 | 1,4 | 7,6 | 1,0 | -2,5 | 0,4 | 9,3 | 1,7 |
Talnaefni