Aðsókn að einstökum myndum er afar ójöfn. Algengast er að ein eða tvær kvikmyndir sópi til sín stórum hluta aðsóknarinnar á hverju ári. Hvernig aðsóknin dreifist á milli mynda er sýnt í töflu 1.
| Table 1. Distribution of admissions to Icelandic full-length features premiered 1996-2013 | |
| Admissions | No. of films |
| 5,000 and < | 25 |
| 5,001-10,000 | 16 |
| 10,001-25,000 | 27 |
| 25,001-50,000 | 11 |
| 50,001 and > | 8 |
Af 1.511.483 gestum sem sáu þær 87 íslensku kvikmyndir sem frumsýndar voru á árunum 1996-2013 féll helmingur aðsóknarinnar í hlut 15 mynda. Fast að 90 prósent af heildaraðsókninni féll í hlut helmings myndanna (sjá mynd 1 og mynd 2).
Af tíu vinsælustu innlendu kvikmyndum sem frumsýndar voru á árunum 1996-2013 voru fjórar myndanna í leikstjórn Baltasar Kormáks og tvær í leikstjórn Friðriks Þórs Friðrikssonar. Englar alheimsins, í leikstjórn þess síðar nefnda, var með mesta aðsókn, eða ríflega 83.000 gesti. Í öðru sæti var Mýrin, í leikstjórn Baltasar Kormáks, með hátt í 82.000 áhorfendur. Aðeins ein barna- og fjölskyldumynd er á meðal tíu aðsóknarhæstu myndanna (sjá töflu 2).
| Table 2. Top ten attended Icelandic full-length feature films premiered 1996-2013 | ||||
| Row | Title in English | Director's name | Year of premiere | Admissions |
| 1 | Angels Of the Universe | Friðrik Þór Friðriksson | 2000 | 83,317 |
| 2 | Jar City | Baltasar Kormákur | 2006 | 81,580 |
| 3 | Mr. Bjarnfredarson | Ragnar Bragason | 2009 | 66,876 |
| 4 | Black's Game | Óskar Þór Axelsson | 2012 | 62,783 |
| 5 | Devil's Island | Friðrik Þór Friðriksson | 1996 | 61,971 |
| 6 | The Sea | Baltasar Kormákur | 2002 | 58,076 |
| 7 | White Night Wedding | Baltasar Kormákur | 2008 | 55,300 |
| 8 | The Deep Sea | Baltasar Kormákur | 2012 | 50,266 |
| 9 | Dorks and Damsels | Gunnar B. Guðmundsson | 2007 | 46,313 |
| 10 | The Secret Spell | Bragi Þór Hinriksson | 2010 | 37,506 |
Athygli vekur að níu myndanna eru byggðar á vinsælli skáldsögu, leikverki eða sjónvarpsfígúru. Sú tíunda er byggð á sögulegum atburði sem stendur enn nærri hugum manna. Til samanburðar má geta þess að engin þeirra tíu mynda sem minnsta aðsókn hlutu er byggð á bókmenntaverki eða hefur beina skírskotun í alkunnan atburð.
Aðsóknarhæsta kvikmynd í leikstjórn konu er Stella í framboði í leikstjórn Guðnýjar Halldórsdóttur, sem er tólfta aðsóknarhæsta myndin, með hátt í 35.000 gesti.
Um gögnin
Hagstofa Íslands tekur árlega saman upplýsingar um kvikmyndasýningar og starfsemi kvikmyndahúsa. Upplýsingar um aðsókn að einstökum myndum eru fengnar frá rekstraraðilum kvikmyndahúsa og úr gagnagrunni Félags rétthafa í sjónvarps- og kvikmyndaiðnaði – FRÍSK um kvikmyndasýningar (áður Samtaka myndrétthafa á Íslandi – SMÁÍS).
* Skv. alþjóðlegri skilgreiningu er löng kvikmynd mynd sem tekur a.m.k. klukkustund í sýningu.