Nýskráningar einkahlutafélaga í apríl 2016 voru 227. Síðustu 12 mánuði, frá maí 2015 til apríl 2016, hefur nýskráningum einkahlutafélaga fjölgað um 16% í samanburði við 12 mánuði þar á undan. Alls voru 2.507 ný einkahlutafélög skráð á tímabilinu, borið saman við 2.166 á fyrri 12 mánuðum. Hlutfallsleg fjölgun nýskráninga var mest í fasteignaviðskiptum þar sem þeim fjölgar úr 254 í 404, eða um 59% á síðustu 12 mánuðum. Meðal annarra greina þar sem nýskráningum hefur fjölgað má nefna leigustarfsemi og ýmsa sérhæfða þjónustu þar sem nýskráningum fjölgaði úr 147 í 227 (54%) og rekstur gististaða og veitingarekstur þar sem fjölgunin var úr 144 í 173 nýskráningar (20%). Mest hlutfallsleg fækkun nýskráninga síðustu 12 mánuði var í landbúnaði, skógrækt og fiskveiðum, eða um 16% frá fyrra tímabili (úr 99 í 83).

Skráð gjaldþrot í apríl 2016 voru 123. Gjaldþrotum fyrirtækja síðustu 12 mánuði, frá maí 2015 til apríl 2016, hefur fækkað um 6% í samanburði við 12 mánuði þar á undan. Alls voru 732 fyrirtæki tekin til gjaldþrotaskipta á tímabilinu, borið saman við 777 á fyrra tímabili. Hlutfallslega fækkaði gjaldþrotum mest í fasteignaviðskiptum, úr 97 í 62 (36%), en einnig má nefna fækkun gjaldþrota í rekstri gististaða og veitingarekstri úr 65 í 45 (31%). Á síðasta 12 mánaða tímabili hefur gjaldþrotum fjölgað mest í leigustarfsemi og ýmissi sérhæfðri þjónustu, þar sem þeim fjölgaði úr 33 í 42 frá fyrra tímabili (27%), en einnig má nefna fjölgun gjaldþrota úr 52 í 59 í fjármála- og vátryggingastarfsemi (13%).

Talnaefni